Կենտրոնական Ասիայի երկրները եւ Եվրոպայի անվտանգության ու համագործակցության կազմակերպությունը (ԵԱՀԿ) պատրաստվում են համատեղ միջոցներ ձեռնարկել՝ կանխելու համար Աֆղանստանից սպառնալիքների տարածումը տարածաշրջանի երկրներում, ասվում է ԵԱՀԿ պաշտոնական կայքում:
«Կողմերը մտքեր են փոխանակել Աֆղանստանում իրավիճակի լուծման գործում ԵԱՀԿ կառույցների մասնակցության մեխանիզմների, Աֆղանստանում իրավիճակի զարգացման վերաբերյալ միջխորհրդարանական երկխոսության հաստատման, ինչպես նաեւ սպառնալիքների հոսքը հարակից տարածքներ կանխելու օպերատիվ միջոցառումների վերաբերյալ»,- ասվում է հայտարարության մեջ:
Հանդիպման ընթացքում մասնակիցները նաեւ քննարկել են Աֆղանստանից օտարերկրյա քաղաքացիների տարհանումը եւ ԵԱՀԿ դերը Կենտրոնական Ասիայում անվտանգության ապահովման գործում:
