Արգենտինայի դատախազները նախագահ Ալբերտո Ֆերնանդեսին մեղադրել են պարտադիր կարանտինի խախտման մեջ, հայտնում են տեղական լրատվամիջոցները, երբ նա անցյալ տարի ընկերների հետ ծննդյան երեկո էր կազմակերպել: Հաղորդում է Reuters-ը:
«Նախագահ Ալբերտո Ֆերնանդեսն այսօր անձամբ եւ առանց փաստաբանի ներկայացել է դատական իշխանություններին` որպես փոխհատուցում առաջարկելու երկու ամսվա աշխատավարձի կեսը Մալբրանի ինստիտուտին պատճառված վնասի համար, որը կփոխանցվի չորս ամիս անընդմեջ»,- ասվում է հայտարարության մեջ:
Ավելի վաղ Արգենտինայում սկանդալ էր բռնկվել լուսանկարների հրապարակման կապակցությամբ, որոնք արվել էին 2020 թվականի հուլիսի 14-ին՝ առաջին տիկին Ֆաբիոլա Յանեսի ծննդյան օրը նախագահական նստավայրում: Դրանցում Ֆերնանդեսը եւ Յանեսը` տասը հոգու ընկերակցությամբ, նշում էին ծննդյան տոնը` չնայած նրան, որ համավարակի պատճառով այդ ժամանակ Արգենտինայում կարանտինային խիստ միջոցներ էին գործում, իսկ փակ սենյակներում հանդիպումներն արգելված էին: Արգենտինայի դատախազությունը նախաքննություն է սկսել օրենքի հնարավոր խախտման փաստով:
