Վրաստանում վերջին մեկ օրում կորոնավիրուսային վարակի հայտնաբերված դեպքերի թիվն ավելացել է 4031-ով: Մահացել է 73 մարդ, հայտնել է «Sputnik-Վրաստան»-ը:

Համավարակի սկզբից մինչ օրս երկրում հայտնաբերվել է վարակման 536.202 դեպք:

Վերջին 24 ժամվա ընթացքում բուժվել է 4.585, իսկ համավարակի սկզբից՝ 473.502 մարդ: Գրանցվել է մահվան 7101 դեպք:

Վրաստանում ընդհանուր առմամբ կատարվել է 1.095.069 պատվաստում, որոնցից 26.418-ը​​՝ վերջին 24 ժամվա ընթացքում: