Ինդոնեզական հանրահայտ Բալի հանգստավայրի իշխանությունները կրկին հետաձգել են ճանապարհորդների համար սահմանների բացման մասին որոշումը՝ կորոնավիրուսային վարակի դեպքերի աճի պատճառով, հայտնել է Travel Daily Media-ն:
Ինդոնեզիան արդեն մի քանի անգամ հետաձգել է արտասահմանյան երկրների հետ զբոսաշրջության վերսկսումը՝ COVID-19-ով հիվանդացության պարբերական աճի պատճառով: Ի սկզբանե հանգստավայրը պետք է բացվեր 2020 թվականի վերջին, այնուհետեւ՝ 2021 թվականի հուլիսին, իսկ ավելի ուշ վերջնաժամկետը տեղափոխվել է օգոստոսին:
Ինչպես պարզաբանել են իշխանությունները, կղզիները գրեթե պատրաստ են ընդունել օտարերկրյա հյուրերին, սակայն դեռեւս ոչ մի պահանջ եւ կանոն հրապարակված չէ: Կառավարությունը ներկայումս հույսեր է կապում պատվաստումների ծրագրի հետ՝ այդ թվում նրա, որ մարդիկ ավելի հաճախ կպատվաստվեն: