Արցախում մեկնարկել է կորոնավիրուսի դեմ ռուս խաղաղապահների պլանային վերապատվաստումը։ Այս մասին հայտնում է ՌԴ ՊՆ մամուլի ծառայությունը։
«Սպուտնիկ V»-ով պատվաստումից առաջ զինծառայողները պարտադիր կարգով անցնում են ՊՇՌ-թեստավորում, բուժզննություն, խորհուրդներ են ստանում բուժմասնագետներից։
Կորոնավիրուսի դեմ վերապատվաստումն անցկացվում է հատուկ նշանակության բժշկական ջոկատի բազայում։ Այս մասին հայտնել է ռուսական խաղաղապահ զորակազմի ներկայացուցիչ Վլադիմիր Ալեքսեեւը։ Նա պատմել է, որ պատվաստումից առաջ ՊՇՌ-թեստավորում է անցկացվել ամբողջ անձնակազմի շրջանում։
Նախ պատվաստվում են մարտական հերթապահության դիտակետերում զինծառայողները, բժիշկներն ու ռազմական օդաչուները։ Կրնակի պատվաստում է անցել ռուսական զորակազմի ավելի քան 100 զինծառայող։