Կիպրոսը կսկսի COVID-19-ի դեմ բուստերային պատվաստանյութ ներարկել բնակչության որոշակի խմբերին, հայտնել է առողջապահության նախարար Միխալիս Հաջիպանտելասը:
Բուստերային պատվաստանյութը հասանելի կլինի ծերանոցների բնակիչներին, 65 տարեկանից բարձր անձանց, թույլ իմունային համակարգով անձանց եւ բուժաշխատողներին՝ պայմանով, որ նրանց վերջին պատվաստումից 6 ամիս անցած լինի, ասել է Հաջիպանտելասը:
«Պարտադիր է ավարտել իմունիտետի պատի կառուցումը»,- ասել է նա:
2020 թվականի մարտին առաջին բռնկումից հետո Կիպրոսը հաղորդել է 507 մահվան եւ կորոնավիրուսի 114 131 դեպքի մասին: Մինչեւ օգոստոսի 31-ը բնակչության 74%-ն ավարտել է պատվաստումները: