ՄԱԿ-ի կլիմայի հարցերով բարձրաստիճան ներկայացուցիչ Պատրիսիա Էսպինոզան կառավարություններին կոչ է արել դադարեցնել «հետաձգման» մարտավարությունը եւ շտապ քայլեր ձեռնարկել գլոբալ տաքացման զսպման համար, հաղորդել է AP-ն:
Էսպինոզան զգուշացրել է, որ ծայրահեղ եղանակային պայմանների եւ ջերմաստիճանային նոր ռեկորդների ժամանակ ոչ մի երկիր ապահովագրված չէ կլիմայի փոփոխության հետեւանքներից: «Սա այլեւս այն իրավիճակը չէ, երբ կարող ենք ասել, որ սրանք խոցելի երկրներն են, իսկ սրանք՝ ոչ», - ասել է նա:
Էսպինոզան 2015 թվականի Փարիզի համաձայնագիրը ստորագրած կառավարություններին կոչ է արել աջակցել «հավակնոտ, արագ, լայնածավալ, փոխակերպող ջանքերին»` ջերմաստիճանի գլոբալ բարձրացումը սահմանափակելու եւ տաքացման անխուսափելի ազդեցություններին նախապատրաստվելու համար: