Նախկին փոխվարչապետ Արմեն Գեւորգյանի պաշտպան Էրիկ Ալեքսանյանը լքեց դատավարությունը: Այսօր դատավոր Աննա Դանիբեկյանը պատժամիջոցներ կիրառեց նախազգուշացման տեսքով, քանի որ օգոստոսի 24-ի նիստին փաստաբանը լքեց նիստերի դահլիճը: Հիշեցնենք, որ Ալեքսանյանը ցուցադաբար հեռացավ, քանի որ դատավորը հրաժարվեց ժամանակ տրամադրել իր բացարկը նախապատրաստելու համար:
«Ակնհայտ է, որ մեր հարաբերությունները չեն ստացվում: Դուք հակակրան ենք զգում: Դժվար է այլ զգացմունքներ պատկերացնել, եթե մի մարդ ցանկանում է պատասխանատվության ենթարկել մեկ այլ անձի (Ալեքսանյանը մասնակցում է Դանիբեկյանի դեմ դատավարությանը): Դուք չեք կարող զսպել ձեր հույզերը եւ ցուցադրում եք դրանք»,- ասաց Ալեքսանյանը՝ շեշտելով, որ դատավորի գործողությունները կոպտորեն ոտնահարում են Արմեն Գեւորգյանի իրավունքները:
Փաստաբանը խնդրեց ճշտել իր դիրքորոշումն իր պաշտպանյալի հետ` դատավարությունը լքելու համար: Դատավորն այստեղ էլ հրաժարվեց՝ հայտարարելով, որ իրենք ազատ են ճշտել այն բանից հետո, երբ դատախազը կարդաց մեղադրական եզրակացությունը: Ի պատասխան՝ Էրիկ Ալեքսանյանը պարզապես հեռացավ նիստերի դահլիճից:
Արմեն Գեւորգյանը փորձեց դատավորից պատասխան ստանալ ստանալ, թե որն է նպատակը: Նա հայտարարեց, որ միջադեպից հետո դատարանի ցանկացած որոշում կասկածի տակ է դրվելու: «Ի՞նչ եք արեցիք հիմա, կարո՞ղ եք բացատրել: Ալեքսանյանն օգոստոսի 24-ին ասաց, որ կասկածներ ունեք: Հետո Դուք փոխեցիք Ձեր որոշումը: Դա ես չէի նախաձեռնել, ոչ էլ պաշտպանությունը: Ընտրություններից հետո ի՞նչ փոխվեց ձեր դիրքորոշման մեջ»,- հարցրեց Գեւորգյանը: Գեւորգյանը շեշտեց, որ իրեն փաստաբան է պետք, քանի որ գործը բարդ է, դրվագները շատ են, հատկապես՝ հաշվի առնելով, որ նա այժմ պատգամավոր է: Գեւորգյանը խոստացավ մտածել այլ փաստաբան ներգրավելու մասին, իսկ իրադարձությունների նման շրջադարձի պատրաստ չէր: «Ես ունեմ այլ փաստաբաններ, որոնց հետ աշխատում եմ այլ գործերով, ես պետք է նրանց հետ խոսեմ»,- ասաց Գևորգյանը:
Դատախազ Գեւորգ Բաղդասարյանը հայտարարեց, որ այն խոսքերը, թե Գեւորգյանը պատրաստ չէր, չեն համապատասխանում իրականությանը, բոլոր գործողությունները պլանային են: «Բոլորի համար պարզ է, որ նրանք չեն ցանկանում, որպեսզի հրապարակվեն մեղադրական եզրակացության փաստերը: Իրավունքի չարաշահում է տեղի ունենում: Այժմ փորձում են նոր փաստաբան հրավիրել եւ դրանով իսկ ժամանակ շահել»: Պետրոս Պետրոսյանը համաձայնեց իր գործընկերոջ հետ:
Փաստաբան Հայկ Ալումյանը Բաղդասարյանի խոսքերն անհիմն մեղադրանքներ համարեց: «Կա՛մ անհրաժեշտ է հիմնավորել, կա՛մ նման մեղադրանքներ չպետք է լինեն»,- ասաց Ալումյանը՝ հավելելով, որ ինչպես եւ նախկինում, դա ասվում է ոչ թե ներկաների, այլ լրատվամիջոցների եւ իրենց լսարանի համար:
Մեղադրող Բաղդասարյանը զայրացած ելույթ ունեցավ՝ վերջում հայտարարելով, որ եթե պաշտպանության կողմը կարծում է, որ ամեն ինչ հաշվարկված է լրատվամիջոցների համար, թող փակ դատավարություն պահանջեն:
Քննարկումը ձգձգվեց: Փաստաբան Արամ Օրբելյանը դատարանին հիշեցրեց մեղադրյալի կողմից ընտրված փաստաբանի պաշտպանության սահմանադրական իրավունքի մասին: «Ժամանակը ցույց տվեց, որ մենք ճիշտ ենք: Մենք ասում էինք, որ հոդվածը հակասահմանադրական է, եւ այդպես էլ եղավ»,- հիշեցրեց փաստաբանը՝ շեշտելով, որ նիստը պետք է հետաձգվի, որպեսզի Արմեն Գեւորգյանը կարողանա փաստաբան հրավիրել:
