![](img/news/66/21/10/default.jpg)
Ֆլորիդայում նախկին զինվորականը մտել է բնակարան եւ 4 մարդու սպանել, 11-ամյա աղջիկը ողջ է մնացել՝ մահացած ձեւանալով, հաղորդում է ABC News-ը։
Իշխանությունները հայտնում են, որ երեխան ականատես է եղել, թե ինչպես է 33-ամյա Բրայան Ռայլին՝ նախկին ծովային հետեւակ ծառայող, կրակել իր հորը, նրա ընկերուհուն, ընկերուհու մորն ու 3 ամսական երեխային։ Ինքը՝ աղջիկը, եւս տուժել է, նրա ուղղությամբ մի քանի անգամ կրակել են։ Ռայլին սպանել է նաեւ շանը։
Հանցագործը որեւէ կապ չի ունեցել սպանվածների հետ։ Ըստ քննության տվյալների՝ նա հոգեկան խնդիրներ ունի եւ փնտրում էր ինչ-որ աղջկա, ով հակված է ինքնասպանության։ Չգտնելով նրան՝ նա զայրացել է եւ սպանել ողջ ընտանիքին։
«Այդ 11-ամյա աղջիկը շատ խորամանկ եւ շատ խելացի է գտնվել։ Նա ասել է․ «Ես ձեւածա մահացած եւ աղոթեցի»»,-հայտնել է ոստիկանության շերիֆ Գրեդի Ջադը։