Այն, որ Հայաստան եկող իրանական բեռնատարները կարող են ստուգվել ադրբեջանցիների կողմից, դա խնդիր է եւ ոչ մեկը դա չի կարող հերքել, բայց եկեք սպասենք, տեսնենք՝ իրավիօճակը ոնց է հագուցալուծվում: Այս մասին, այսօր՝ սեպտեմբերի 13-ին, ԱԺ-ում լրագրողների հետ զրույցում նշեց ԱԺ ՔՊ խմբակցության պատգամավոր Բաբկեն Թունյանը՝ հավելելով, որ եթե անգամ գումար չգանձեին ադրբեջանցիները, միայն իրանական բեռնատարները կանգնեցնելու փաստը մտահոգության տեղիք է տալիս:
«Կարող է ոչ մի խնդիր չլինի, կարող է իրավիճակը կարգավորել:Ամեն դեպքում այնպես չէ, որ այս պահին ունենք բլոկավորված ճանապարհ, այդ ապրանքները հասնում են Հայաստան: Քանի որ այդ ճանապարհի մի հատվածն իրենց էր պատկանում, իրենք այդ մասում ունեին հայկական եւ ռուսական կողմի հետ պայմանավորվածություն, որ պետք է որոշակի ներկայությունունենային: Բայց որ կլինի այնպիսի իրավիճակ, որ իրենք կկանգնեցնեն երրորդ երկրից մեր երկիր մուտք գործող բեռնատարները եւ կստուգեն, ես նման բան չէի կանխատեսում»,-ասաց նա:
Հարցին, թե ո՞րը կարող է լինել սրա հետեւանքը, ՔՊ-ական պատգամավորը պատասխանեց, որ հետեւանքը կարող է լինել այն, որ մարդիկ պարզապես կփորձեն խուսափել այդ ճանապարհով Հայաստան ապրանքներ ներմուծելուց. «Հայաստանի տարածք գալիս են հիմնականում այն բեռները, որոնք սպառվում են հենց Հայաստանում: Այսինքն իրանական բեռների համար Հայաստանը որպես տրանզիտ այնքան էլ չի ծառայում: Իրանական ապրանքների մուտքը ՀՀ որքան մեզ համար է կարեւոր, նույքան էլ՝ իրանցիների համար, որովհետեւ իրենք այստեղ շուկա ունեն»:
