Երկու մարդ մահացել է, եւս չորսը՝ վիրավորվել Մյանմայի կենտրոնում կորոնավիրուսի ախտորոշման կետում տեղի ունեցած պայթյունի հետեւանքով, հայտնել է Սինհուա գործակալությունը:
Զոհվածների ու վիրավորների թվում կան անվտանգության աշխատակիցներ եւ խաղաղ բնակիչներ: Տուժածները տեղափոխվել են տեղի ռազմական հոսպիտալ:
Ոստիկանությունը փնտրում է պայթյունի կազմակերպիչներին:
Տեղական ԶԼՄ-ները ավելի վաղ հայտնել են, որ Մյանմայի գրեթե 50 զինծառայող եւ ոստիկան է սպանվել հանգստյան օրերին Չին նահանգում եւ Մագուեյ շրջանում քաղաքացիական դիմադրության ուժերի երկու հարձակումների հետեւանքով: