Թուրքիայի նախագահ Ռեջեփ Թայիփ Էրդողանը հայտարարել է, որ «Ակկույու» ԱԷԿ-ի առաջին ռեակտորի շինարարությունը ավարտվելու է մինչեւ 2023 թվականի մայիսը, հաղորդել է Anadolu գործակալությունը:
««Ակկույու» ԱԷԿ-ի առաջին բլոկի շինարարությունը, որտեղ աշխատում է 3.000 ռուս եւ 10.000 թուրք ինժեներ, կավարտվի մինչեւ 2023 թվականի մայիսը: Մենք սա որպես շատ կարեւոր խորհրդանիշ ենք դիտարկում», - ասել է նախագահը Մերսինում ունեցած ելույթի ժամանակ, որտեղ կառուցվում է Թուրքիայի առաջին ատոմակայանը:
Էլեկտրակայանի շինարարությունը նախատեսվում է ավարտել 2023 թվականին նաեւ այն պատճառով, որ այդ տարի Թուրքիան նշելու է հանրապետության հիմնադրման 100-ամյակը:
