Արտաշիրիմում եմ անելու, ամեն ինչ հնարավոր է, կարող է՝ ուրիշի մարմին են տվել։ Այս մասին այսօր՝ սեպտեմբերի 21-ին, լրագրողների հետ զրույցում ասաց զոհված զինծառայողի հայրը։
Ծնողի խոսքով՝ իրեն հեռախոս են տվել ու մարմին, ասել են՝ քո որդին է։ ԴՆԹ-ի պատասխան իրեն չեն ներկայացրել։
«Հիմա շատ բաներ եմ կասկածում։ Ես նույնիսկ ուզում եմ արտաշիրիմում անել, արդեն ոչ մեկի չեմ հավատում։ Ամեն ինչ հնարավոր է։ Կարող է՝ ուրիշի մարմին են տվել։ Եթե սրանք այսօր կարողանում են սրբապղծություն անել, կարող են սա էլ անել։ Գիտե՞ք քանի հոգի է եղել, որ երեխային տվել են, հետո իմացել են, որ իրենց երեխան չէ։ Չես կարող ասել՝ ում մարմինը տվին։ Կարող է թուրքի գլուխ են տվել։ Արտաշիրիմում եմ անելու, տանելու Եվրոպա»,- նշեց նա։
Լրագրողի հարցին, թե ինքը հնարավորություն ունեցավ տեսնելու Նիկոլ Փաշինյանին, զոհվածի հայրը պատասխանեց, որ ծնողները նման խնդիր չունեն․
«Այսօր ո՞ր մեկը հնարավարություն ունեցավ, որ մենք ունենայինք։ Նա պետք է գար մեզ մոտ։ Սուտ են ասում են, թե մեզ տեսել են։ Ստախոսներ են։ Դու գալիս ես այն տեղը, որ քո անունից սրբապղծություն են արել, գաս ո՞ր երեխու դեմը խունկ ծխես։ Այսօր ով ինչ անի, համ Աստծու կողմից է պատժվելու, համ ժողովրդի։ Քադաֆիին որ ժողովուրդն իր ընտանիքի հետ ջախջախեց, այսօր էլ զոհերի ծնողներին են պատասխանը տալու»,- հավելեց զոհված զինծառայողի հայրը։
