News
Լրահոս
News
Երեքշաբթի
Նոյեմբեր 29
USD
395.53
EUR
393.43
RUB
6.42
Տեսնել լրահոսը

Արմեն Չարչյանի գործը վարողը դատավորը վերադարձել է արձակուրդից, և մենք հույս ունենք, որ դատարանն արտահերթ նիստ կհրավիրի Արմեն Չարչյանին գրավով ազատ արձակելու վերաբերյալ։ Այս մասին NEWS.am-ի հետ զրույցում նշեց Արմեն Չարչյանի պաշտպան Էրիկ Ալեքսանյանը։

«Արմեն Չարչյանի գործը վարողը դատավորը երեկ՝ սեպտեմբերի 22-ին, վերադարձել է արձակուրդից, և մենք հույս ունենք, որ մինչև հերթական նիստի օրը՝ հոկտեմբերի 1-ը, դատարանն արտահերթ նիստ կհրավիրի և կքննի հրատապ միջնորդությունը Արմեն Չարչյանին ազատ արձակելու վերաբերյալ։ Կան հանգամանքներ, որոնք հաշվի առնելով հուսով ենք, որ դատարանը մեր պահանջն ընդունելի կհամարի։ Առաջին հանգամանքը Արմեն Չարչյանի առողջական վիճակն է, երկրորդը նրա պատգամավորական անձեռմխելիությունը է, քանի որ միայն Ազգային ժողովը չէ թույլտվություն տվել պատգամավորին ազատությունից զրկելու։ Հաջորդ հանգամանքն այն է, որ մենք գրավի նվազագույն շեմը սահմանել ենք 15 միլիոն դրամը, ի տարբերության նախորդ անգամ սահմանված 10 միլիոնի, և կարևոր հանգամանք է նաև, որ առաջին անգամ գրավով ազատվելուց հետո Արմեն Չարչյանը գործի քննությանը չի միջնորդել»,- ասաց Ալեքսանյանը։

Էրիկ Ալեքսանյանը նշեց, որ Արմեն Չարչյանի վիճակը շարունակում է մնալ կայուն ծանր․ «Արմեն Չարչյանը դժվարությամբ է խոսում և շնչում»։

Հիշեցնենք, որ ՀՀ վերաքննիչ քրեական դատարանն օգոստոսի 23-ին Չարչյանին գրավի դիմաց ազատ արձակելու որոշման դեմ դատախազության բողոքը բավարարել էր։ Դատարանի որոշումից հետո Արմեն Չարչյանը սեփական նախաձեռնությամբ գնացել էր քրեակատարողական հիմնարկ, ապա՝ կալանավորվել։ Օգոստոսի 30-ին հայտնի դարձավ, որ Չարչյանի առողջական վիճակը վատթարացել է, ու նա տեղափոխվել է քաղաքացիական հիվանդանոց։

Չարչյանին մեղադրանք է առաջադրվել՝ ՀՀ ՔՕ 154.2-րդ հոդվածի 4-րդ մասի 2-դ կետի հատկանիշներով (ընտրողներին կաշառք տալը, կաշառք ստանալը, ընտրությունների ժամանակ բարեգործության արգելքի խախտումը կամ ընտրողի ազատ կամքի իրականացմանը խոչընդոտելը):

Հավելենք, որ Արմեն Չարչյանը օգոստոսի 24-ին տարել է սուր ինֆակտ, ունի ծանր շաքարային դիաբետ եւ ընդունում 92 միավոր ինսուլին, ինչն ուղղակի անհամատեղելի է կալանքի հետ, եւ այս անհամատեղելիությունը հաստատվում է Կառավարության 825Ն որոշմամբ:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Անցած շաբաթ գրանցվել է 212 արտակարգ դեպք. արձանագրվել է 21 մահ. ԱԻՆ
Նոյեմբերի 21-27-ն ԱԻՆ ՓԾ ճգնաժամային կառավարման ազգային կենտրոնում,...
Տերյան փողոցում ձերբակալել են 3 տղամարդու. Նրանցից մեկի մոտ գտել են գազային ատրճանակ, իսկ մեքենայում՝ 2 ինքնաձիգ
Համատեղ միջոցառման արդյունքում ապօրինի զենքեր ու զինամթերք հայտնաբերվեցին...
Գլխավոր դատախազ Աննա Վարդապետյանի ծառայողական ավտոմեքենան բախվել է Nissan մակնիշի ավտոմեքենային. Shamshyan.com
Փավստոս Բյուզանդ-Հանրապետության փողոցների խաչմերուկում…
«Պարտեզ» հյուրանոցում օտարերկրացին աշխատակցին փոխանցել է կասկածելի պայուսակ․ պարեկները սահմանազատել են տարածքը
Պայթուցիկ սարք չի հայտնաբերվել․․․
Բեռնատարը և հեռախոսները թողել ու փախել էին հանդամասից
Հանդամասում ոստիկանները հայտնաբերել են առանց համարանիշի «ԳԱԶ-66» բեռնատար ավտոմեքենա...
Բելգիացի ոստիկանները սպայի սպանությունից հետո ցույցի են դուրս եկել
Համազգեստով մարդուն պետք է հարգեն, ոստիկանության նկատմամբ կիրառված ցանկացած բռնության համար․․․
Ամենաշատ