Ինդոնեզական Բալի եւ Ռիաու կղզիները կրկին բացվում են 19 երկրներից այցելուների համար։
«Մենք թույլ ենք տվել 19 երկրների քաղաքացիների այցելել Բալի եւ Ռիաու կղզիներ»,- հայտարարել է ծովային գործերի եւ ներդրումների նախարար Լուհուտա Բինսարա Փանջայտանը:
Այդ երկրների թվում են՝ Չինաստանը, Հնդկաստանը, Ճապոնիան, Հարավային Կորեան, Սաուդյան Արաբիան, Արաբական Միացյալ Էմիրությունները, Նոր Զելանդիան, Քուվեյթը, Բահրեյնը, Կատարը, Լիխտենշտեյնը, Իտալիան, Ֆրանսիան, Պորտուգալիան, Իսպանիան, Շվեդիան, Լեհաստանը, Հունգարիան եւ Նորվեգիան, հաղորդում է CNN-ը:
Լուհուտայի խոսքով՝ երկրներն ընտրվել են կորոնավիրուսի դրական թեստերի ցածր մակարդակի մասին վկայող տվյալների հիման վրա: Նա ասել է, որ այս երկրներից ճանապարհորդները կարող են մուտք գործել Բալի եւ Ռիաու, եթե նրանք ժամանելուց առաջ եւ ժամանելիս պահպանեն պահանջները: Չափանիշներին համապատասխանող ճանապարհորդները երկրորդ դեղաչափով պետք է պատվաստված լինեն Ինդոնեզիա մեկնելուց առնվազն 14 օր առաջ, ունենան Covid-19-ի բուժման համար առնվազն 100 000 ԱՄՆ դոլարի ապահովագրություն եւ վճարեն իրենց կեցության համար հնգօրյա կարանտինի ժամանակահատվածում: