News
Լրահոս
News
Երկուշաբթի
Հունվար 24
USD
481.63
EUR
545.49
RUB
6.17
Տեսնել լրահոսը

Թուրքական բանակի հրետանին ուրբաթ օրը գնդակոծել է Սիրիայի հյուսիսում գտնվող Այն Դեկնա եւ Բեյլունիա բնակավայրերը, որոնք վերահսկում են քրդական ստորաբաժանումները։

Al Mayadeen հեռուստաալիքի փոխանցմամբ՝ հարձակման հետեւանքով վնաս է հասցվել բնակելի շենքերին եւ կենցաղային շինություններին, խաղաղ բնակիչների շրջանում զոհերի մասին տեղեկություն չկա, փոխանցում է ՏԱՍՍ-ը։

Քուրդ զինյալները պատասխան կրակ են բացել Ազազ սահմանային շրջանի վրա, որտեղից հրետանային արկեր են արձակվել։

Ավելի վաղ կատաղի փոխհրաձգություն է տեղի ունեցել քրդական ստորաբաժանումների եւ Թուրքիայի կողմից աջակցվող զինված ընդդիմադիր խմբավորումների միջեւ։ Գրոհայինները փորձել են առաջ շարժվել դեպի Այն Դեկնա գյուղ եւ գրավել այն՝ Հալեպի նահանգային կենտրոնից 40 կմ հեռավորության վրա գտնվող Թել Ռիֆաաթ քաղաքի վրա հարձակման համար շահավետ հենակետ ստեղծելու համար։ Սակայն, ինչպես հայտնում է Al Mayadeen-ը, քրդերը հետ են մղել թուրքամետ ուժերի առաջխաղացումը։

Հոկտեմբերի 27-ին թուրքական զորքերը Սիրիայի հյուսիս են ուղարկել երկու շարասյուն՝ զրահատեխնիկայով, զենքով, զինամթերքով եւ նյութատեխնիկական սարքավորումներով։ Ըստ քրդական աղբյուրների՝ ռազմական մատակարարումները վկայում են այն մասին, որ Անկարան պատրաստվում է անվտանգության գոտու ընդլայնման գործողության ։ 2018 թվականին քրդական ստորաբաժանումների դեմ «Ձիթենու ճյուղ» գործողության ընթացքում թուրքական զորքերը գրավել են Աֆրին շրջանը՝ Հալեպից 65 կմ հեռավորության վրա։ Այդ պահից ի վեր քրդերը շարունակել են հարձակումները թուրք զինվորների եւ սիրիական ընդդիմության գրոհայինների վրա։ 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Իսրայելը հարձակում է գործել Լաթաքիայի վրա՝ ռուսական «Հմեյմիմ» ավիաբազայի մոտ
Նշվում է, որ տեղում հրդեհ է բռնկվել, պատճառվել է խոշոր չափերի նյութական վնաս․․․
Ռուսաստանը Թուրքիային իր օգնությունն է առաջարկել Իդլիբում ահաբեկիչների դեմ պայքարի խնդիրների լուծման գործում
Ռուսաստանը համոզված է, որ Սիրիայի հարավում լարվածության շարունակման հիմնական պատճառն ամերիկյան ներկայությունն է...
Ռուսաստանը եւ Թուրքիան քննարկել են Սիրիայում տիրող իրավիճակը
«Ինչպես տեսնում ենք, կան դժվարություններ, դրանք պետք է լուծվեն...
Սիրիայում ԱՄՆ ԶՈւ ավտոշարասյունը հարձակման է ենթարկվել
Հարձակման հետեւանքով զգալի վնաս է հասցվել մեքենաներին․․․
Էբրահիմ Ռաիսի. Սիրիայում օտար ուժերի անօրինական ներկայությունը վտանգավոր է տարածաշրջանի կայունության համար
«ԻՊ-ն ստեղծվել է ամերիկացիների կողմից...
Ռուսաստանն սկսել է պարեկումը Սիրիայում
Ռուսաստանցի զինծառայողները Սիրիայի՝ ահաբեկիչների կողմից վտանգ ներկայացնող տարածքներում մինչ այժմ պարեկում չէին իրականացնում...
Ֆոտոռեպորտաժներ