Facebook-ի հայտարարությունը Meta անվանափոխվելու մասին մեծ աղմուկ է բարձրացրել Իսրայելում, որտեղ բառը թարգմանվում է որպես «մեռած», գրել է BBC-ն։

Twitter-ի օգտատերերը կիսվել են նոր անվան վերաբերյալ իրենց կարծիքով #FacebookDead (Facebook-ը մեռած է) հեշթեգով։ «Շնորհակալություն, որ բոլորին, ովքեր եբրայերեն են խոսում, ծիծաղելու առիթ եք տվել», - նշել է նրանցից մեկը:

Facebook-ը միակ ընկերությունը չէ, որի վրա ծիծաղել են անվան համար:

Երբ «KFC»-ն 1980-ականներին առաջին անգամ հայտնվեց Չինաստանում, «Այնքան համեղ է, որ մատներդ կլիզես» կարգախոսն այնքան էլ դուր չեկավ տեղացիներին: Մանդարինում այն թարգմանվում է որպես «կծել մատները»։ Սակայն ընկերությանը շատ չտուժեց դրանից: «KFC»-ն երկրի խոշորագույն արագ սննդի ցանցերից մեկն է։

«Rolls-Royce»-ը փոխել է իր «Silver Mist» ավտոմեքենային անվանումը, քանի որ Mist-ը գերմաներենից թարգմանվում է որպես «արտաթորանք»: Փոխարենը ավտոմեքենան ստացել է «Silver Shadow» անվանումը։

Երբ «Nokia»-ն 2011 թվականին թողարկեց իր «Lumia» հեռախոսը, այն չստացավ այն արձագանքը, որը ակնկալում էր: Իսպաներենում Lumia-ն «մարմնավաճառ» բառի հոմանիշն է:

«Honda»-ին հաջողվել է խուսափել սկանդալից, ընկերությունը ցանկանում էր իր նոր մեքենան անվանել «Fitta», որը շվեդերեն լեզվում հեշտոցի գռեհիկ նկարագրությունն է։ Բառը, գուցե, վատ է թարգմանվել մի շարք այլ լեզուներով եւս, եւ, ըստ երեւույթին, այդ է պատճառը, որ շատ երկրներում որոշում է կայացվել մեքենան անվանել «Jazz»: