NASA-ի եւ SpaceX-ի Crew-3 առաքելության մեկնարկը Միջազգային տիեզերակայան (ՄՏԿ) հետաձգվել է նոյեմբերի 3-ին՝ եղանակային անբարենպաստ պայմանների պատճառով, հայտնում է «ՌԻԱ Նովոստին»՝ վկայակոչելով NASA-ին։
Արձակումը նախատեսված էր հոկտեմբերի 31-ին: Crew Dragon-ի անձնակազմն արդեն ժամանել է Կանավերալ հրվանդանի (Ֆլորիդա) տիեզերակայան՝ ավարտելու Միջազգային տիեզերակայան արձակման նախապատրաստական աշխատանքները:
«NASA-ն եւ SpaceX-ը մեծ փոթորկի պատճառով ներկայումս ծրագրում են Crew-3-ը Միջազգային տիեզերակայան արձակել չորեքշաբթի օրը, նոյեմբերի 3-ին, ժամը 01։10-ին»,- ասվում է NASA-ի կայքում տեղադրված հայտարարության մեջ:
Սպասվում է, որ նոյեմբերի 3-ին եղանակային պայմանները կբարելավվեն։
Crew-3-ը ձեւավորվել է մայիսին, եւ դրանում ներառված են NASA-ի վետերան տիեզերագնաց Թոմ Մարշբերնը, տիեզերական թռիչքի դեբյուտանտներ Ռաջա Չարին եւ Քեյլա Բարրոնը, ինչպես նաեւ գերմանացի տիեզերագնաց Մատիաս Մաուրերը: Նախատեսվում է, որ անձնակազմը ՄՏԿ-ում կանցկացնի մոտ վեց ամիս։
Crew Dragon-ի անձնակազմը, որի հրամանատարը Ռաջա Չարին է, իրենց առաքելությունն անվանել է «Դիմացկունություն» (Endurance): Ինչպես ավելի վաղ ճեպազրույցում ասել էր SpaceX ընկերության ներկայացուցիչը, որին պատկանում է տիեզերանավը, սա Crew Dragon պարկուճի առաջին թռիչքն է եւ այս թռիչքի ժամանակ օգտագործվող վերադարձող Falcon 9 հրթիռի երկրորդ արձակումը առաջին փուլի համար։