Գեղարքունիքի մարզում գտնվող Սոթքի հանքավայրի աշխատակիցները տարհանվել են, հանքավայրի աշխատանքները դադարեցվել են։ Այս մասին NEWS.am-ի հետ զրույցում ասաց «GeoProMining Gold» ընկերության ներկայացուցիչ Ռուզաննա Գրիգորյանը։

«Ես այս պահին կապ չունեմ հենց Սոթքի հետ, որ հասկանամ, թե այս պահին ինչ է կատարվում, բայց սահմանային գոտին անցնում է հանքավայրի տարածքով, դրա համար անվտանգության հարցն ապահովելու համար աշխատակիցները տարհանվել են և աշխատանքները դադարեցվել են»։

Ռուզաննա Գրիգորյանը տեղեկացրեց, որ հանքավայրում աշխատում է 700 մարդ։

Հիշեցնենք, որ հայ-ադրբեջանական սահմանի արևելյան ուղղությամբ վիճակը ծայրահեղ լարված է։ Ադրբեջանական Զինված ուժերի ստորաբաժանումների հարձակման հետևանքով սկսված մարտերի արդյունքում հայկական կողմն ունի զոհեր և վիրավորներ, հայտնի է երկու մարտական դիրքի կորստյան մասին։ Հայկական ԶՈՒ ստորաբաժանումները, համարժեք գործողություններով, հակառակորդին զինտեխնիկայի և մարդուժի մեծ կորուստներ են պատճառել։

Պաշտպանության նախարարությունը հայտնում է, որ հայկական կողմից գերեվարվել է 12 զինծառայող՝ 7 պայմանագրային և 5 ժամկետային զինծառայող։