Գիտնականները չեն դադարում փնտրել իններորդ մոլորակն Արեւային համակարգում, երբ այդ կարգավիճակից զրկվել է Պլուտոնը: Որոշ աստղաֆիզիկոսներ կասկածում են, որ ավելի մեծ ձգողականությամբ ինչ-որ բան գոյություն ունի Կոյփերի գոտում, որը Նեպտունի ուղեծրից հեռու է գտնվում, լի է երկնաքարերով եւ սառցե օբյեկտներով: Երկնային ուժերի արտասովոր շարժման մասին վկայում է նաեւ այն, որ ինչ-որ հսկայական օբյեկտ ազդում է դրանց վարքագծի վրա, գրում է universemagazine.com-ը:
1983 թվականին աստղագնաց Մայքլ Ռոուեն Ռոբինսոնն փնտրել է ենթադրյալ տասներորդ մոլորակը՝ օգտագործելով IRAS առաջին ինֆրակարմիր տիեզերական հեռադիտակի տվյալները: Մինչեւ 1991 թվականն ինչ-որ հետաքրքիր օբյեկտ գտնելու փորձերը հաջողություն չեն ունեցել:
Վերջերս կատարված հետազոտությունները պարզել են որոնումների նոր վայրեր, որտեղ կարող է թաքնված լինել իններորդ մոլորակը: Ռոուեն Ռոբինսոնը վերանայել է 38-ամյա վաղեմության գրառումներն ու հայտնաբերել երեք ինֆրակարմիր աղբյուր, որոնք, նրա խոսքով, կարող են լինել մոլորակի կարգավիճակի համար պոտենցիալ թեկնածուներ: Դա տեղի է ունեցել 1983 թվականին, երբ IRAS առաջին ինֆրակարմիր տիեզերական հեռադիտակը որսացել է արտասովոր լուսավորվող աղբյուրները, որոնք հիշեցնում էին մոլորակի մակերեւույթի լույսեր:
Ավաղ, հին աստղադիտակը չի ունեցել բավականաչափ թույլատրող ունակություն, որպեսզի մանրամասն դիտարկի արտասովոր օբյեկտները: Ուստի այդ շրջանն ուսումնասիրելու գործով կսկսի զբաղվել Չիլիում Վերա Ռուբինի անվան աստղադիտարանը: Այժմ այն գտնվում է կառուցման փուլում: Հեռադիտակը տեղադրվելուց հետո յուրաքանչյուր շաբաթ կնկարահանի ամբողջ երկինքը երբեւէ կառուցված ամենամեծ թվային տեսախցիկի օգնությամբ: Հնարավոր է, այն կհաստատի Արեւային համակարգի նոր մոլորակի առկայությունը:
