«Պրոտոն-Մ» հրթիռակրի արձակումը նախատեսված է դեկտեմբերի 12-ին Մոսկվայի ժամանակով ժամը 15:09-ին։ Այս մասին ասվում է «Ռոսկոսմոս»-ի հայտարարության մեջ, փոխանցում է ՏԱՍՍ-ը։

Ավելի վաղ «Ռոսկոսմոս»-ի գլխավոր տնօրեն Դմիտրի Ռոգոզինը ՏԱՍՍ-ին հայտնել էր, որ «Էքսպրես ԱՄՈՒ-3» եւ «Էքսպրես ԱՄՈՒ-7» հեռուստահաղորդակցման արբանյակներով «Պրոտոն-Մ» հրթիռակրի արձակումը հետաձգվել է մինչեւ դեկտեմբերի 12-ը  վերջնական տեսքի բերելու անհրաժեշտության պատճառով։ Ավելի ուշ պետական ​​կորպորացիան պարզաբանել է, որ Մ.Վ. Խրունիչեւի անվ․ կենտրոնի մասնագետները վերացրել են խնդիրը, որն ավելի վաղ հայտնաբերվել է «Բրիզ-Մ»-ի արագացուցիչ բլոկի վրա։