News
Լրահոս
News
Երեքշաբթի
Մարտ 19
Տեսնել լրահոսը

Անհայտ զինվորի օրը թույլ է տալիս հարգանքի տուրք մատուցել ոչ միայն Հայրենական մեծ պատերազմի ժամանակ զոհվածներին և անհայտ կորածներին, այլև բոլոր նրանց, ովքեր իրենց կյանքը նվիրաբերել են հայրենիքին։ Այս մասին Վանաձորում Անհայտ զինվորի օրվան նվիրված միջոցառման ժամանակ ասել է Գյումրիում Ռուսական տան (Ռոսսոտրուդնիչեստվոյի հայաստանյան գրասենյակի մասնաճյուղի) ղեկավարի պաշտոնակատար Անտոն Բերյանևը։

Դեկտեմբերի 3-ին Վանաձորի Շառլ Ազնավուրի անվան այգում հավաքվել էին Լոռու մարզպետարանի, տեղական և ռուսական հասարակական կազմակերպությունների ներկայացուցիչներ, այդ թվում՝ Գյումրիից, Վանաձորի վետերանների խորհրդի, Գյումրու երիտասարդական պալատի անդամները և ղեկավարությունը։

«Այս օրը կոչված է հավերժացնելու այն զինվորների հիշատակը, մարտական  արիությունն ու անմահ սխրանքը, որոնց անունները մնում են անհայտ։ Շատերի համար սա հասարակ ամսաթիվ չէ, այլ խորհրդանիշ, որը կապված է հարազատ մարդու կերպարի հետ՝ այդ նույն անհայտ կորած  պապիկի, հոր, եղբոր, զինակցի, սիրելի տղամարդու հետ: Այստեղ՝ Անհայտ զինվորի հուշարձանի մոտ, գլուխ ենք խոնարհում պատերազմից չվերադարձած բոլոր զինվորների առաջ։ Այսօր բոլոր մտքերն ու զգացմունքները հասցեագրված են նրանց», - ասաց Անտոն Բերյանևը:

Լոռու մարզպետի պաշտոնակատար Գոռ Ասրյանն իր հերթին նշել է. «Մեր բարեկամ Ռուսաստանում դեկտեմբերի 3-ին նշում են Անհայտ զինվորի օրը։ Բայց այս օրը նվիրված է ոչ միայն ռուս, այլ նաև հայ զինվորների, ընդհանրապես նախկին Խորհրդային Միության բոլոր երկրներից զինվորների հիշատակին»։

Նշենք, որ հուշահամալիրի մոտ միջոցառումը սկսվեց Հայաստանի և Ռուսաստանի օրհներգերի կատարմամբ, որից հետո ներկաները մեկ րոպե լռությամբ հարգեցին Հայրենիքի համար բոլոր զոհվածների հիշատակը։ Միջոցառման ընթացքում Վանաձորի թիվ 5 ավագ դպրոցի աշակերտները ներկայացրին գրական-երաժշտական բեմականացում՝ ռազմական թեմայով։ Վերջում ներկաները ծաղկեպսակներ ու ծաղիկներ դրեցին Անհայտ զինվորի հուշարձանին։

Անհայտ զինվորի օրը Ռուսաստանում նշվում է ամեն տարի դեկտեմբերի 3-ին 2014թ.-ից՝ ի հիշատակ ռազմական գործողությունների ժամանակ զոհված ռուս և խորհրդային զինվորների:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հուսով եմ` կշարունակենք ակտիվ փոխգործակցությունը. ՀՀ նախագահը շնորհավորել է Պուտինին
Նման պատասխանատու պաշտոնում Ձեր վերընտրվելը թույլ կտա մեզ շարունակել...
Ռոբերտ Քոչարյանը շնորհավորել է Պուտինին՝ ստացած համաժողովրդական աջակցության և վերընտրվելու կապակցությամբ
Վլադիմիր Պուտինը Ռուսաստանի Դաշնությունում մարտի 17-ին կայացած նախագահական ընտրություններում հաղթել է 87,34 տոկոս ձայնով...
Հուսով եմ՝ բոլոր ոլորտներում երկխոսությունը կզարգանա. Փաշինյանը շնորհավորել է Պուտինին
Մաղթում եմ Ձեզ, հարգելի Վլադիմիր Վլադիմիրի, առողջություն, երջանկություն...
Սերժ Սարգսյանը շնորհավորական ուղերձ է հղել Վլադիմիր Պուտինին
ՀՀ երրորդ նախագահ, ՀՀԿ նախագահ Սերժ Սարգսյանը...
«Հրապարակ». ՀՀ իշխանություններն իրականում չեն պատրաստվում խզել ՌԴ-ի հետ որեւէ միջպետական պայմանագիր
Դիցուք, «ՀՀ եւ ՌԴ միջեւ բարեկամության, համագործակցության եւ փոխադարձ օգնության մասին» 1997 թ....
Երևանը Ռուսաստանում նախընտրական քարոզարշավի ժամանակ սադրիչ հայտարարություններ էր անում. Տարասով
Հայաստանը շատ թույլ օղակ է դարձել տարածաշրջանային անվտանգության համակարգում...
Ամենաշատ