News
Լրահոս
News
Ուրբաթ
Հունվար 28
USD
482.57
EUR
540.24
RUB
6.13
Տեսնել լրահոսը

Ֆրանսիան ներդրումներ է կատարում թեթեւ բազմակի օգտագործման հրթիռ-կրիչի ստեղծման մեջ՝ տիեզերական արձակման շուկայում մրցակցությանը հակազդելու համար, այդ թվում՝ ԱՄՆ SpaceX-ի կողմից: Այս մասին Ariane Group ընկերությունում կայացած մամուլի ասուլիսին հայտարարել է Ֆրանսիայի էկոնոմիկայի, ֆինանսների եւ վերակառուցման նախարար Բրունո Լը Մերը, փոխանցում է ՏԱՍՍ-ը։

«Մենք բաց թողեցինք վերականգնվող կրիչների զարգացման մի փուլը, որին չէինք սպասում, եւ հետ մնացինք մեր ամերիկացի գործընկերներից, մասնավորապես՝ SpaceX-ից, որը մշակեց Falcon 9-ը: Մենք պետք է լրացնենք այդ բացը»,- ասել է նախարարը։ Նա մատնանշել է SpaceX-ում կառավարության հսկայական ներդրումները, որոնք թույլ են տվել նրանց առաջընթաց գրանցել տեխնոլոգիայի ոլորտում:
«Arian Group»-ը կգործարկի բազմակի օգտագործման մինի հրթիռների սեփական նախագիծը: Եվրոպան առաջին անգամ նման կրիչների հասանելություն կունենան:
Դա թույլ կտա մեզ հասնել [SpaceX]-ին»,- ասել է Լը Մերը: Նրա խոսքով` առաջին նմուշները պետք է հայտնվեն առաջիկա չորս տարիների ընթացքում եւ սկսեն կիրառվել 2026 թվականին։ Բացի այդ, ֆրանսիական կորպորացիան պետք է աջակցություն ստանա նոր սերնդի Ariane 6 հրթիռ-կրիչների շահագործումը սկսելու համար: Ariane Group-ը պետք է նաեւ «միկրո հրթիռ-կրիչներ» մշակի, եւ Ֆրանսիայի մինչեւ այս տարվա վերջ իշխանությունները կքննարկեն միջոցներ հայթայթելուն աջակցության հնարավորությունը:

«Մենք պետք է միավորենք ուժերը եւ տարաձայնությունները թողնենք անցյալում, որպեսզի կարողանանք մրցակցել մեր ամերիկացի գործընկերների եւ ապագա չինացի գործընկերների, ռուս գործընկերների հետ,- ասել է նախարարը։- Եվրոպական ապարատները պետք է ուղեծիր դուրս բերվեն եվրոպական հրթիռ-կրիչներով: ԱՄՆ-ն նախընտրում է ամերիկյան կրիչները, չինացիները՝ չինական։ Եվրոպան նույնպես պետք է որդեգրի այս մոտեցումը»,- ասել է Լը Մերը:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՆԱՍԱ-ն, հնարավոր է, Մարսի վրա հնագույն կյանքի ապացույցներ է գտել
Իհարկե, ինչպես Կարմիր մոլորակի վրա հայտնաբերված շատ նախկին նմուշներ, դրանք նույնպես շարունակում են նոր հարցեր առաջացնել․․․
Աստղագետները գալակտիկայի կենտրոնից տարօրինակ կրկնվող ազդանշան են որսացել
Այսպես նրանք նկատել են ռադիոալիքների պոռթկումը, եւ երբ ստուգել են ավելի վաղ ժամանակահատվածի տվյալները, հայտնաբերել են, որ նման ազդակներ պարբերաբար լինում են նույն տարածաշրջանում․․․
Նոր աստղակերպը Երկրի հետ բախվելու ամենաբարձր ռիսկն ունի բոլոր հայտնիների շարքում
Աստղակերպի չափը մոտ 70 մետր է, այն շարժվում է վայրկյանում գրեթե 20 կիլոմետր արագությամբ․․․
Գիտնականները պարզում են, թե երբ կմահանա Արեգակը
Արեգակի կյանքի ավարտին դեռեւս տրիլիոնավոր տարիներ կան...
Երկրի կողքով պոտենցիալ վտանգավոր աստերոիդ է անցել
Հունվարի 18-ին այն անցել է մեզանից մոտ 2 միլիոն կմ հեռավորության վրա...
Չինաստանում ստեղծել են ցածր ձգողականությամբ արհեստական լուսին
Լուսնի նմանակի նախատիպը ստեղծել են Չինաստանի տեխնոլոգիաների համալսարանի մասնագետները...