Հայտնի է դարձել iRonCub կոչվող իտալացի ինժեներների զարգացման մասին։ Դա մարդանման ռոբոտ է, որը հագեցած է չորս ռեակտիվ շարժիչներով՝ 640 Ն ընդհանուր ուժով։ Հաղորդվում է, որ այն նախատեսված է աշխատող թռչող կոստյումներ ուսումնասիրելու եւ ստեղծելու համար։ Թռչող ռոբոտի մասին ավելի շատ մանրամասներ ներկայացվել են IEEE Spectrum-ում հրապարակված գիտական ամսագրում։
Ռոբոտի կառուցվածքը ենթադրում է երկու շարժիչ մեջքին եւ զույգ ավելի թույլ շարժիչներ՝ ձեռքերին: Առաջին երկուսը զարգացնում են յուրաքանչյուրը 220 Ն ուժ, իսկ ձեռքերինը՝ մինչեւ 100 Ն։ Դիզայներները ռոբոտի համար հրակայուն տաբատ են նախատեսել, որպեսզի այն չայրի ոտքերը։ Հաղորդվում է, որ նոր տարբերակում կհրաժարվեն տաբատից եւ ջերմակայուն ծածկ կապահովվի։
Ռոբոտի ստեղծման աշխատանքների ղեկավար Դանիել Պուչիի խոսքով՝ ռոբոտը ստեղծվել է ավիացիոն արդյունաբերության նոր ճյուղ զարգացնելու համար։ Նրա կարծիքով՝ անօդաչու սարքերի տեսքով շուկայում առաջարկվող ապրանքները չեն բավարարում որոշ կարիքների։
Բացի այդ, iRonCub-ը կօգնի ստեղծել թռչող էկզոկմախքներ, վստահեցնում է Դանիելը, քանի որ ավելի մարդասիրական է նման տեխնոլոգիաների փորձարկումը ռոբոտի, քան կենդանի մարդու վրա։ Ապագայում ինժեներները նախատեսում են մշակել թռչող կոստյումի ավելի փոքր օրինակ, ինչպիսին Երկաթե մարդունն է:
