Արտակարգ իրավիճակների նախարարությունը տեղեկացնում է, որ ՀՀ տարածքում կան փակ և դժվարանցանելի ավտոճանապարհներ։
ԱԻՆ-ից NEWS.am-ին հայտնում են, որ փակ է Արագածոտնի մարզում Ամբերդ ամրոցից դեպի Քարի լիճ տանող ավտոճանապարհը։
«Մեղրու սար» կոչվող հատվածը փակ է բքի պատճառով։
Դժվարանցանելի են Վարդենյաց լեռնանցքը, Արագածոտնի մարզի Ապարանի (բուք է) և Շիրակի մարզի Ամասիայի տարածաշրջանների միջհամայնքային, Գյումրի-Ամասիա և Գյումրի-Բավրա (բուք է) ավտոճանապարհները։
Սյունիքի մարզում (բացառությամբ Կապան քաղաքի), Կոտայքի մարզի Հրազդան քաղաքում, Արագածոտնի մարզի Թալինի, Ապարանի և Արագածի տարածաշրջաններում, Արարատի մարզի Տիգրանաշենի ոլորաններում և Վայոց ձորի մարզի բարձրադիր հատվածներում տեղում է ձյուն։
Արագածոտնի մարզի ավտոճանապարհներին առկա է մերկասառույց։
Շիրակի մարզի Աշոցքի և Ամասիայի տարածաշրջաններում և Սյունիքի մարզի «Զանգեր» կոչվող հատվածում ձնաբուք է:
Արագածոտնի մարզի Աշտարակ քաղաքում առկա է մառախուղ։
