Եվրամիությունը ռուսական յոթ բանկ անջատել է SWIFT վճարումների միջազգային միջբանկային համակարգից։ Համապատասխան փաստաթուղթը հրապարակվել է ԵՄ պաշտոնական ամսագրում։
«2022 թվականի մարտի 12-ից արգելվում է մասնագիտացված ֆինանսական ծառայություններ մատուցել, որոնք օգտագործվում են հավելվածում նշված իրավաբանական անձանց կամ կազմակերպությունների կողմից ֆինանսական տվյալների փոխանակման համար»,- ասվում է փաստաթղթում։
Բանաձեւի հավելվածում թվարկված է յոթ ռուսական բանկ՝ «Օտկրիտիե», «Նովիկոմբանկ», «Պրոմսվյազբանկ», «Ռոսիա բանկ», «Սովկոմբանկ», «ՎԵԲ.ՌՖ» եւ «ՎՏԲ»:
Բացի այդ, արգելվում է այդպիսի ծառայություններ մատուցել Ռուսաստանում ստեղծված իրավաբանական անձանց, որոնք ուղղակիորեն կամ անուղղակիորեն պատկանում են հավելվածում նշված բանկերի ավելի քան 50 տոկոսին:
Բացի այդ, ԵՄ-ն արգելում է եվրոյով թղթադրամների վաճառքը, մատակարարումը, փոխանցումը կամ արտահանումը Ռուսաստան կամ Ռուսաստանի ցանկացած անձի կամ կազմակերպության, այդ թվում՝ ՌԴ ԿԲ-ին:
