Lockheed Martin-ը Սաուդյան Արաբիայում արտադրության մեջ ավելի քան միլիարդ դոլար է ներդնում, ասել է Lockheed-ի միջազգային բիզնեսի հարցերով փոխնախագահ Ռեյ Պիզելին, քանի որ թագավորությունը, որպես զենքի խոշոր գնորդ, հուսով է օգտագործել իր ազդեցությունը, որպեսզի օգնի դիվերսիֆիկացնել իր տնտեսությունը նավթից:
Նրա խոսքով՝ միջոցները կաջակցեն Սաուդյան Արաբիայի ռազմական արդյունաբերության GAMI կարգավորողի եւ պետական պաշտպանական SAMI ընկերության ջանքերին, որոնք ուղղված են տեղական արդյունաբերության զարգացմանը։
«Միջոցներ կհատկացվեն ամբողջ թագավորությունում արտադրության, տեխնիկական սպասարկման, վերանորոգման եւ շահագործման նախաձեռնությունների աջակցության համար՝ Սաուդյան Արաբիայի արդյունաբերության մեջ ներդրումներ կատարելու եւ որակավորումը բարձրացնելու միջոցով»,- Reuters-ին ասել է Lockheed Martin-ի ներկայացուցիչը:
Պիզելին ասել է, որ Lockheed Martin-ը ներդրումներ կկատարի տեղական ընկերությունների եւ պետական հաստատությունների հնարավորությունների մեջ՝ իր արդյունաբերության որոշ մասը թագավորությունում տեղակայելու համար:
GAMI-ն հայտարարել է, որ Lockheed Martin-ի հետ աշխատում է Սաուդյան Արաբիայում THAAD հակահրթիռային պաշտպանության համակարգի որոշ մասեր արտադրելու ուղղությամբ:
Պիզելին նշել է, որ ուզում է թագավորությունը ներառել մատակարարումների համաշխարհային շղթաների մեջ եւ արտահանման շուկա ստեղծել: Նրա խոսքով՝ Պարսից ծոցի արաբական երկրներից եկամուտները 2020թ․ 4 մլրդ դոլարի են հասել։
Ամերիկյան Raytheon Technologies Corp խումբը հայտարարել է, որ ծրագրում է իր Patriot հրթիռների որոշ մասերի արտադրությունը Սաուդյան Արաբիա տեղափոխել։
