Եղանակային և ջեռուցման խնդիրներով պայմանավորված Արցախում նախադպրոցական, արտադպրոցական հանրակրթական, նախնական (արհեստագործական) և միջին մասնագիտական ուսումնական հաստատություններում ուսումնական գործընթացը դադարեցված կմնա մինչև մարտի 26-ը ներառյալ։

Արցախի Հանրապետության կրթության գիտության, մշակույթի և սպորտի նախարարությունից NEWS.am-ին հայտնում են, որ հանրակրթական, նախնական (արհեստագործական) և միջին մասնագիտական ուսումնական հաստատություններում 5-օրյա աշխատանքային շաբաթվա դեպքում պարապմունքները լրացվելու են հաջորդող շաբաթ օրերին, 6-օրյա աշխատանքային շաբաթվա  դեպքում դասաժամերը բաշխվելու են մինչև ուսումնական պարապմունքների ավարտը։

Արցախում ադրբեջանական կողմի միջամտությամբ 3–րդ օրն է՝ դադարեցված է գազի մատակարարումը