Լեհաստանը չի ընդունի COVID-19-ի դեմ պատվաստանյութի լրացուցիչ չափաբաժինները, որոնք նախատեսված են Եվրամիության հետ մատակարարման պայմանագրով, ասել է Լեհաստանի առողջապահության նախարարը՝ հիմք ստեղծելով արտադրողների հետ դատական պայքարի համար, հայտնում է Reuters-ը։
Լեհաստանը, ԵՄ մյուս անդամների հետ միասին, COVID-19-ի դեմ պատվաստանյութեր է ստացել համավարակի ընթացքում՝ Եվրոպական հանձնաժողովի եւ պատվաստանյութ արտադրողներ BioNTech SE-ի եւ Pfizer-ի կամ Moderna-ի միջեւ կնքված մատակարարման պայմանագրերի համաձայն:
Լեհաստանի ամենամեծ մատակարարը Pfizer-ն է։ Այնուամենայնիվ, պատվաստումների մակարդակն այստող ավելի ցածր է եղել, քան Եվրամիության մեծ մասում, եւ երկիրը ունի պատվաստանյութերի ավելցուկային պաշարներ, որոնցից մի քանիսը վաճառել կամ նվիրաբերել է այլ երկրների:
Նախարարի խոսքով՝ Լեհաստանը չի կարող ուղղակիորեն խզել պատվաստանյութերի մատակարարման պայմանագրերը, քանի որ դրանց կողմերը Եվրահանձնաժողովն ու արտադրողներն են։
Լեհաստան մինչեւ 2023-ի վերջը պատվաստանյութերի մատակարարման պայմանագրի արժեքը միայն մեկ արտադրողի հետ ավելի քան 6 մլրդ զլոտի է կազմել:
