News
Լրահոս
News
Երկուշաբթի
Ապրիլ 22
Տեսնել լրահոսը

Շիմպանզեները շփվելու համար բավականին հարուստ լեզու են օգտագործում, որի «բառերը» նրանք կարողանում են միավորել «նախադասությունների» մեջ, պարզել են Գերմանիայի Մաքս Պլանկի էվոլյուցիոն մարդաբանության համալսարանի փորձագետները: Նրանք ավելի մանրամասն նկարագրել են իրենց դիտարկումները Communications Biology ամսագրում հրապարակված հոդվածում:

Հետազոտողները վերլուծել են Կոտ դ'Իվուարի Տաի ազգային պարկի չափահաս շիմպանզեների միջեւ գրեթե 5000 զրույցի ձայնագրությունները՝ ընդհանուր մոտ 900 ժամ: Նրանք կարողացել են առանձնացնել 390 եզակի ձայնային հաջորդականություն։

Թեեւ ակնհայտ էր, որ շիմպանզեների արձակած ձայները որոշակի տեղեկություններ են կրում, սակայն ձայնավորացման այդպիսի լայն սպեկտրն անակնկալ էր գիտնականների համար:

«Մեր արդյունքները վկայում են այն մասին, որ շիմպանզեի ձայնային հաղորդակցման համակարգը շատ ավելի բարդ եւ կառուցվածքային է, քան համարվում էր»,- հայտարարել են նրանք:

Գիտնականները հայտնաբերել են ընդհանուր 12 տարբեր տեսակի ձայնավորացում, այդ թվում՝ խռխռոց, բառաչոց եւ նվնվոց: Ձայնավորացման կիրառման վրա ազդել է համատեքստը. այդպես շիմպանզեն մեկ խռնչյուն հանում էր ուտելիք տեսնելիս, իսկ մի քանիսը՝ որպես հնազանդ ողջույնի նշան:

Թեեւ շիմպանզեի լեզուն ավելի աղքատ է, քան մարդկայինը, պարզվել է, որ այն շատ ավելի հարուստ եւ բազմազան է, քան համարվում էր, նշում են հետազոտողները: Բացի այդ, դրանում հավանաբար ավելի շատ հնարավոր համակցություններ եւ հնչյուններ կան, քան մենք կարողացել ենք բացահայտել: Գիտնականները հույս ունեն, որ կապիկների լեզվի հետագա հետազոտումը կօգնի ավելին իմանալ մարդկանց լեզվի ծագման մասին:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Երկարականջ բուն բնիկ երեւանցի է
Սոցցանցի օգտատերերի ջանքերի շնորհիվ փոքրիկներին անվանակոչել են Անյա և Ամելյա...
FIA. Գիտնականները սովորեցրել են շներին հոտոտելով ճանաչել PTSD ունեցող մարդկանց
PTSD-ն սովորաբար զարգանում է մարդկանց մոտ՝ կապված աղետալի իրադարձության կամ իրադարձությունների...
Ավստրիայում խոհարարական հեռուստաշոուի ժամանակ պատահմամբ պատրաստել են ձկան անհետացող տեսակ
Եթերում տապակել են ձկան անհետացող տեսակ...
Էկվադորի ջունգլիներում հայտնաբերվել է աշխարհի ամենամեծ անակոնդան. CNN
Այս անակոնդաները տարբերվում են նախկինում հայտնի…
Հարավաֆրիկյան Հանրապետությունում վարդագույն փղիկ է հայտնվել
Հարավաֆրիկյան Հանրապետության Ազգային պարկում հազվադեպ վարդագույն փղիկ է ծնվել...
Անգլիական այգիներից մեկում պինգվինն օգնել է մասամբ կույր մեկ այլ պինգվինի սնվել և հասնել իր բույնը
Ըստ հետազոտողների՝ թռչունների այս պահվածքը կարեկցանքի և ըմբռնման դրսեւորում է…
Ամենաշատ