Սառը պատերազմից հետո ՆԱՏՕ-ն առաջին անգամ ուժեր եւ տեխնիկա կտեղակայի իր արեւելյան թեւում: Այս մասին հայտարարել է ՆԱՏՕ-ի գլխավոր քարտուղար Յենս Սթոլթենբերգը Բրյուսելում ՆԱՏՕ-ի պաշտպանության նախարարների հանդիպմանն ընդառաջ մամուլի ասուլիսում։
Նրա խոսքով՝ դա դաշինքին թույլ կտա ավելի արագ արձագանքել սպառնալիքի դեպքում։ «Սա հենց այն է, ինչի վրա մենք աշխատում ենք Գերմանիայի հետ, բայց մենք ակնկալում ենք, որ բոլոր դաշնակիցները նմանատիպ առաջարկներ կանեն՝ ներգրավելու նախապես նշանակված ուժերին, որոնք պատրաստված են եւ պատասխանատու են որոշակի տարածքների պաշտպանության համար»,-ասել է նա։
«Մենք կենտրոնացած ենք ջանքերն ուժեղացնելու, ավելի շատ աջակցություն տրամադրելու, ավելի ժամանակակից զենքեր տրամադրելու վրա»,-հավելել է Սթոլթենբերգը։
Նրա խոսքով՝ Ուկրաինան կշարունակի ստանալ «գործնական աջակցություն ՆԱՏՕ-ի դաշնակիցներից եւ դաշինքից, ինչը թույլ կտա Ուկրաինային շարունակել արդիականացնել իր զինված ուժերը»: