News
Լրահոս
News
Ուրբաթ
Օգոստոս 19
USD
405.79
EUR
412.81
RUB
6.83
Տեսնել լրահոսը


Կառավարության դիմաց բողոքի ակցիա է իրականացնում 44-օրյա պատերազմում զոհված Գեւորգ Արաբաջյանի հայրը՝ Աղասի Արաբաջյանը: Նա նշեց, որ մինչեւ այսօր որդւո դիակն իրեն չեն տվել:

Գեւորգ Արաբաջյանը Տավուշի Վազաշեն գյուղից է:

«Պատերազմից ինչքա՞ն է անցել, ասում են՝ արի, համընկնում կա: 20 հատ դիակ են ինձ ցույց տալիս: Երբ իմ որդու անունը զոհվածների ցուցակում եղել է, ես հոկտեմբերի 18-ին գնացել եմ Գորիս, Կուբաթլի: Բոլորը եկել ցավակցել են: Ասել եմ՝ բա դիակն ուր է, ասել են՝ ավտոն հալել է, չկա, ի՞նչ դիակի մասին է խոսքը: Ես քանի անգամ նամակ եմ գրել վարչապետին, խնդրել եմ, որ գոնե դիակի մոխիրը տան: ՊՆ ենք գնացել, էնտեղ նշված է, որ այդ երեխան հուղարկավորված է Ազատամուտ գյուղում, աջակցությունն էլ ստացել է: Մեր տան հասցեով, փողոցով, բայց հուղարկավորված չի:

Գնդապետ Լեւոն Բիշարյանն ասում է՝ ինչ տալիս են, տար հուղարկավորի, 2 օրից գնա քանդի, ասա՝ իմ երեխեն չի:

Հանդիպել ենք վարչապետի հետ, ես անուններ եմ տվել ու ասել եմ, որ երեք հոգու մորթելու եմ, էս հարցին լուծում տվեք: Թող ձերբակալեն, ես կորցնելու բան չունեմ: Ոստիկանն ասում է՝ դու չես կարող մարդ մորթել, ոտքերիս տակ մատաղ կանեմ էդ ոստիկանին:

Ես իմ երեխու ատամնաշարի քարտը վերցրել եմ ատամնաբույժից, անգամ առանց ԴՆԹ-ի ես կարող եմ ասել՝ իմ երեխան է, թե ոչ: Գտել են Ուրալը Ջաբրայիլում, մասունքի վրա գրված է Գեւորգ Արաբաջյան, եկել ենք մորգ, մասունքը չկա: Հետո ասացին՝ սխալմունք է եղել, դա լեյտենանտ է եղել, ձեր երեխան չի: Հիմա էլ նորից ասում են՝ ինքն է եղել»,-ասաց հայրը:

Աղասի Արաբաջյանը նշեց, որ զինվորների պատմելով որդուն ադրբեջանցիները տարել են հենց իր մեքենայով, որի վարորդը եղել է Գեւորգը: Նա համոզված է, որ որդուն գերեվարել են:

«Ես երեք հատ վիդեո էլ ունեմ, մեկի մեջ շրջափակումից իմ երեխուն սպեցնազը հանում է, մյուս երկուսն էլ արդեն դեկտեմբեր-հունվարին զորավարժություն է անում, մորուքով, երկար մազերով: Ես չգիտեմ որտեղ է դա: Կինս էլ էս ամենից հետո ինսուլտ տարավ, մահացավ: Հիմա ես պահանջում եմ, որ վարչապետը դուրս գա, պատասխան տա»,-ասաց նա:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Թուրքիայում խոսում են «Զանգեզուրի միջանցքի» մասին՝ նույնիսկ չհիշատակելով Հայաստանը
Թուրքիայի Հանրապետության առեւտրի փոխնախարարը նշել է, որ «Զանգեզուրի միջանցքի» բացման շուրջ Ռուսաստանի հետ բարձր մակարդակով բանակցությունները շարունակվում են...
Քանի դեռ նոր ճանապարհը չի գործարկվել, խաղաղապահները միջանցքից ոչ մի սանտիմետր չեն տեղաշարժվի.ՌԴ դեսպանորդ «Ազատություն»
Միաժամանակ Սելեզնյովը փոխանցեց, թե Մոսկվան պատրաստ է ընդլայնել ռուսաստանյան խաղաղապահ զորակազմը…
ԱՄՆ-ն շարունակում է Հայաստանի եւ Ադրբեջանի միջեւ երկարաժամկետ խաղաղություն հաստատելու ուղղությամբ աշխատանքը․ Նեդ Փրայս
«Մենք շարունակում ենք անել հնարավոր ամեն ինչ՝ նպաստելու Հայաստանի եւ Ադրբեջանի միջեւ համապարփակ երկարաժամկետ խաղաղությանը․․․
«Իմ եղբայրն այս տանը համար է զոհվել, թուրքին չեմ թողնելու»․ Աղավնոյի երկրորդ բնակիչը հրկիզել է տունը
Ես իմ տունը թուրքին չեմ թողնելու․․․
Ադրբեջանի ՊՆ-ն հանկարծակի որոշել է սպառնալ իր զենքով
Ադրբեջանական ԶԼՄ-ների տարածած հաղորդագրության մեջ նշվում է, որ «օգոստոսի 13-ին հայկական կվադրոկոպեր է հայտնաբերվել եւ նստեցվել, որը, իբր, փորձում էր հետախուզական թռիչքներ իրականացնել Շուշիի շրջակայքում գտնվող ադրբեջանական դիրքերի վրայով»...
Աղավնոն համակարգային ձեւով հանձնվում է. Սուրեն Պետրոսյան
Վերջին օրերին կարծես թե ձեւավորվել է մի մտայնություն, որ այլեւս Բերձոր, Սուս եւ Աղավնո համայնքների…
Ֆոտոռեպորտաժներ