Իրանի թշնամական պետությունները՝ պարտվելով իրենց պատժամիջոցային քաղաքականության մեջ, սկսել են երկրում իրավիճակի ուղղակի ապակայունացումը, սակայն դրանում եւս ձախողել են։ Այս մասին հայտարարել է Իրանի նախագահ Իբրահիմ Ռայիսին:
«Երբ ոչ բարեկամական պետությունները պարտվել են այդ քաղաքականության մեջ, նրանք սկսել են ապակայունացնել Իրանը, բայց նրանց այդ քաղաքականությունը նույնպես ձախողվել է»,-Ռայիսիի խոսքը մեջբերում է Tasnim-ը։
Արդեն մեկուկես ամիս է՝ Իրանում շարունակվում են անկարգությունները, որոնք սկսվել են սեպտեմբերի կեսերին երիտասարդ իրանցի Մահսա Ամինիի մահվան կապակցությամբ այն բանից հետո, երբ նրան ձերբակալել է բարքերի ոստիկանությունը: Բողոքի ցույցերն ու խռովությունները տեղի են ունենում հիմնականում Գիլյան, Խուզեստան, Սիստան եւ Բելուջիստան, Թեհրան եւ Քուրդիստան նահանգներում ։ Իրանի իշխանությունները Արեւմուտքի երկրներին մեղադրում են ցուցարարներին աջակցելու մեջ։
