Մենք չենք ուզում ՀԱՊԿ-Ադրբեջան պատերազմ հրահրել: Այս մասին, այսօր՝ նոյեմբերի 16-ին, ԱԺ-ում կառավարության հետ հարցուպատասխանի ժամանակ նշեց վարչապետ Նիկոլ Փաշինյանը:
«Մենք ասում ենք, որ քաղաքական դիրքորոշումը, արձանագրումը՝ ինչ է ՀԱՊԿ-ի ընկալումն այս իրավիճակի եւ ինչ քաղաքական դիրքորոշում է որդեգրում ՀԱՊԿ-ն այս իրավիճակի հետ կապված: Սա մեզ համար չափազանց կարեւոր է:
Ես կարծում եմ՝ ՀՀ քաղաքացիների վերաբերմունքը ՀԱՊԿ-ի նկատմամբ եւ մեր հարաբերությունների ապագայի նկատմամբ ձեւավորվելու է հենց այս հարցի հետ կապված»,-ասաց նա:
