Կլիմայի փոփոխության հարցերով ՄԱԿ-ի 27-րդ համաժողովի (COP27) մասնակից երկրների միջեւ բանակցությունները կարող են ձախողվել գլոբալ տաքացման վերաբերյալ Եվրամիության ներկայացուցիչների կոշտ դիրքորոշման պատճառով: ԵՄ-ի համար առաջնային նպատակն է ընթացիկ դարի վերջին գլոբալ տաքացումը մինչեւ 1,5°C սահմանափակելու առաջադրանքի պահպանումը, հաղորդում է Bloomberg-ը:
«Եգիպտոսում կլիմայի վերաբերյալ COP27-ի բանակցություններին ԵՄ՝ կլիմայի հարցերով ղեկավար Ֆրանս Թիմերմանսը հայտարարել է, որ դաշինքը պատրաստ է հեռանալ, եթե առաջընթաց չլինի ընթացիկ դարի վերջին գլոբալ տաքացումը մինչեւ 1,5°C սահմանափակելու առաջադրանքը կատարելու հարցում»,-ասվում է հաղորդագրության մեջ։
Տիմերմանսի խոսքով՝ ԵՄ իշխանությունը որոշակի մտահոգություն է արտահայտել այդ բանակցությունների ամենավիճահարույց հարցի շուրջ։ Միեւնույն ժամանակ, համաշխարհային հանրությանը դեռեւս չի հաջողվել մոտենալ գլոբալ մակարդակում միջին ջերմաստիճանը նվազեցնելու ծրագրի իրականացմանը։