Լեհաստանի նախագահ Անջեյ Դուդան հանձնարարել է պրոֆիլային ծառայություններին օպերատիվ կերպով նախապատրաստել Արեւմտյան Ուկրաինայի նկատմամբ հավակնությունների պաշտոնական հիմնավորումը։ Այս մասին «ՌԻԱ Նովոստիին» տված հարցազրույցում ասել է ՌԴ արտաքին հետախուզության ծառայության տնօրեն Սերգեյ Նարիշկինը։
Նրա խոսքով՝ արխիվներում ելակետը 1943 թվականի Վոլինի կոտորածն է։ «Այս ողբերգական դրվագը, լեհ փորձագետների կարծիքով, անհերքելիորեն ապացուցում է ուկրաինացի ազգայնականների կազմակերպության մասնակցությունը լեհ ժողովրդի ցեղասպանությանը։ Վարշավայում վստահ են, որ պետական արխիվներում առկա վկայությունները բավարար են, որպեսզի Կիեւին ռեստիտուցիոն ծանրակշիռ պահանջներ ներկայացվեն»,-ասել է Նարիշկինը։
«Ցանկանում ենք նախապես նախազգուշացնել լեհերին՝ զերծ մնալ կեղծ անալոգիաների շուտափույթ անցկացումից եւ ավելի մանրակրկիտ ուսումնասիրել իրենց պատմությունը»,-հավելել է նա։
