News
Լրահոս
News
Շաբաթ
Հունվար 28
USD
395.53
EUR
393.43
RUB
6.42
Տեսնել լրահոսը


Տեսակետները, թե պարեկները խոշտանգել են քաղաքացիներին, առերեւույթ չի համապատասխանում իրականությանը: Այս մասին, այսօր՝ դեկտեմբերի 2-ին, ԱԺ-ում լրագրողների հետ զրույցում նշեց ՀՀ փոխոստիկանապետ Արա Ֆիդանյանը՝ անդրադառնալով նոյեմբերի 26-ին Լոռու մարզում տեղի ունեցած միջադեպին:

«Տվյալ պահին հարուցվել է քրեական վարույթ, որի արդյունքում արդեն բոլոր հանգամանքները պարզ կլինեն: Ավելին ասեմ, այնտեղ նույնիսկ հակառակ պրոցեսն է տեղի ունեցել, քաղաքացիների կողմից են եղել ոչ օրինաչափ գործողություններ:

Իսկ դուք  գիտե՞ք, թե պարեկներից վնասվածքներ ստացել են, թե ոչ: Եթե չեմ սխալվում, երկու պարեկ է տուժել: Տեսագրությունները կան: Տեսագրությունը եթե տեսնեք, այնտեղ քաղաքացիները մետաղական ձողերով վնասվածքներ են հասցնում պարեկային ծառայողներին: Առավել մանրամասն տեղեկատվություն կտրամադրվի արդեն քրեական վարույթի շրջանակներում»,-ասաց նա:

Հարցին, թե որնէ  եղել միջադեպի պատճառտը, փոխոստիկանապետը պատասխանեց. «Ավտոմեքենան վարել են կոպիտ խախտումներով, պարեկային ծառայողները փորձել են կանգնեցնել, որի արդյունքում այդ ամբողջ միջադեպը տեղի է ունեցել»:

Դա Փաշինյանի ավտոշարասյան հետ կապված չի՞ եղել, հարցին էլ, արձագանքեց. «Չեմ կարող ասել՝ երբ է տեղի ունեցել, բայց տեղի է ունեցել ակնհայտ վարչական իրավախախտում»:

Հարցին, թե աարդյոք սա տեղավորվում է ոստիկանության բարեփոխումների տրամաբանության մեջ, Ֆիդանյանն ասաց. «Ձեր հարցը չի բխում այն իրողությունից, որն ունենք տվյալ իրավիճակում: Ես ներկայացնում եմ, որ քաղաքացիները մետաղյա ձողերով հարձակվում են պարեկների վրա, դուք խոսում եք բարեփոխումներից: Բարեփոխում չի նշանակում, որ ոստիկանը պետք է կանգնի եւ յուրաքանչյուր անձ գա մետաղական ձողով հարձակվի, վնասի, եւ ոստիկանը որեւէ քայլ չձեռնարկի: Դուք դա՞ եք դիտարկում բարեփոխում: Ես այդպես չեմ համարում»:

Ավելի վաղ NEWS.am-ը հայտնել էր, որ նոյեմբերի 26-ին, Լոռիում միջադեպ է տեղի ունեցել պարեկների ու քաղաքացիների միջեւ: ՔԿ-ն հաղորդագրություն էր տարածել, որտեղ նշվում է, որ «Օպել» մակնիշի ավտոմեքենայի վարորդը չի ենթարկվել ոստիկանության աշխատակցի հրահանգներին, ստեղծել է վթարային իրավիճակ, ինչից հետո ոստիկանության աշխատակիցներից մեկը վարչական իրավախախտումն արձանագրելու համար մոտեցել է վարորդին, սակայն բենզալցակայանի տարածքում գտնվող քաղաքացին մոտեցել և խոչընդոտել է ոստիկանության աշխատակցի օրինական գործողություններին: Մոտեցել են նաև այլ քաղաքացիներ, որոնցից մեկը ձեռքով հարվածել և հայհոյել է դեպքի վայր ժամանած ոստիկանության աշխատակիցներից մեկին:

Ըստ հաղորդագրության՝ դեպքի վայր են ժամանել ոստիկանության այլ աշխատակիցներ ևս, որից հետո մի շարք քաղաքացիներ կրկին դուրս են եկել և վիճաբանել վերջիններիս հետ, իսկ նրանցից մեկը մետաղյա ձողով հարձակվել է ոստիկանության աշխատակցի վրա, որը կանխվել է այլ քաղաքացիների կողմից, իսկ քաղաքացիներից մեկը հեղուկ է ցողել ոստիկանների ուղղությամբ:

Նախաձեռնվել է քրեական վարույթ՝ ՀՀ ՔՕ 297-րդ հոդվածի 2-րդ մասի 1-ին կետով (խուլիգանություն, որը կատարվել է մի խումբ անձանց կողմից) և 452-րդ հոդվածի 1-ին մասի (պաշտոնատար անձի օրինական ծառայողական կամ քաղաքական գործունեությանը միջամտելը) հատկանիշներով:

Նշենք, որ այդ միջադեպի մասին ահազանգել էր «Հայաստան» խմբակցության պատգամավոր Քրիստինե Վարդանյանը: Նա գրել էր, որ այդ շարասյունը պատկանում էր վարչապետ Նիկոլ Փաշինյանին: Ըստ պատգամավորի՝ ոչնչացվել են միջադեպը տեսագրած տեսախցիկների նյութերը և միջադեպի մասնակիցներին հորդորել են որևէ կերպ չբարձրաձայնել դեպքի մասին:

«8 ավտոյով եկան, ծեծեցին բոլորիս, կոտրեցին արհեստանոցը». ականատեսը՝ Վանաձորում պարեկների կողմից ծեծի ենթարկելու դեպքին

!
Այս նյութը հասանելի է նաև   Русский
Տպել
Կարդացեք նաև
Ամբողջը
Խորթ ծնողները էքզորցիզմ են իրականացրել երեխայի նկատմամբ, որը մահացել է կոշտ վերաբերմունքից
Այժմ նրանց մեղադրանք է առաջադրվել Սքայլերի սպանության մեջ․․․
Մի խումբ անձինք վիճաբանել և քաշքշել են հիվանդանոցի աշխատակիցներին
Հունվարի 26-ին՝ ժամը 17.40-ի սահմաններում, ոստիկանության օպերատիվ...
Իրանի նախագահը հանձնարարել է հետաքննել Ադրբեջանի դեսպանատան վրա հարձակումը
Ցավալի լուրը ստանալուց անմիջապես հետո նախագահը կարգադրել է համակողմանի հետաքննություն անցկացնել․․․
Ստեփանակերտցին բնակարանը վաճառել է պետությանը, բայց շարունակել է տեղահանված անձից վարձավճար ստանալ
2020թ. 44-օրյա պատերազմի հետևանքով տեղահանված քաղաքացի Ս.Հ.-ի հաղորդման հիման վրա իրականացված դատավարական ստուգման արդյունքներով...
«Սա ավելի շատ պանիկա էր, որովհետև 15 րոպեից այդ ծակծկոցն անցավ». Դպրոցի աշխատակիցը՝ թիվ 11 դպրոցում տեղի ունեցածի մասին
Մենք ենթադրում ենք, որ վախից դրդված է ասում, որ ինքը չի արել: Համենայնդեպս ուրիշի մոտ որեւէ բան չկար…
21-ամյա հարսը հրկիզել է խոտի դեզը, փորձել էր հրկիզել նաեւ հավանոցը
Հունվարի 25-ին ոստիկանության Տավուշի բաժնում Արծվաբերդ բնակավայրի...
Ամենաշատ