News
Լրահոս
News
Շաբաթ
Հունվար 28
USD
395.53
EUR
393.43
RUB
6.42
Տեսնել լրահոսը

Բնակչության եկամուտների մասին հայտարարագրերի ստուգման համար առանձին դեպքերում պահանջվում է բանկային գաղտնիքի հասանելիություն։ Այս մասին Ազգային ժողովի նիստում, Հարկային օրենսգրքում փոփոխություններ եւ լրացումներ եւ հարակից օրենքներում լրացումներ կատարելու մասին օրինագծերի փաթեթի քննարկման ժամանակ, դեկտեմբերի 6-ին ասել է ֆինանսների փոխնախարար Արման Պողոսյանը։

Փոխնախարարը, մասնավորապես, նշել է, որ բանկային գաղտնիքի սահմանափակ հասանելիությունը, գլոբալացմանը զուգընթաց, միտում է դառնում։ «Քաղաքացիները տեղափոխվում են այլ երկիր՝ պահպանելով իրենց երկրի քաղաքացիությունը։ Այսինքն՝ նրանք հաշվետու են մնում նրան, այդ թվում եւ հարկային հայտարարագրերի տեսքով։ Այս առնչությամբ երկրները պետք է իրենց ռեզիդենտների եկամուտների մասին հուսալի տվյալներ ստանան, եւ Հայաստանը չի կարող  հեռու մնալ նշված միտումներից։ Այնուամենայնիվ, պետք է մշակել այնպիսի մոտեցումներ, որոնք չեն վնասի քաղաքացիներին եւ պետությանը»,- ասել է Պողոսյանը։

Կառավարության ներկայացուցչի խոսքով՝ Հայաստանում բնակչության եկամուտների համընդհանուր հայտարարագրումը կմտցվի փուլ առ փուլ։ Այսպես, 2023թ. հայտարարագիր պետք է տան պետական եւ համայնքային ծառայության մեջ գտնվող անձինք, ինչպես նաեւ մի շարք այլ խմբերի քաղաքացիներ, այդ թվում ընկերությունների բաժնետերերը, որոնք 2022թ. արդյունքներով գրանցել են ավելի քան 1 մլրդ դրամի հասույթ։ Այս ցուցակում են նաեւ այն քաղաքացիները, որոնք ստացել ե 20 եւ ավելի մլն դրամի փոխառություն, այն քաղաքացիները, որոնք օգտվում են եկամտահարկի վերադարձից՝ առաջնային շուկայում բնակարան գնելիս, ինչպես նաեւ սովորելիս, ինչպես նաեւ այն քաղաքացիները, որոնք եկամուտներ են ստացել օտարերկրյա աղբյուրներից։ «2023թ. հայտարարագիրը պետք է հանձնել մինչեւ 2024թ. ապրիլի 20-ը»,- ասել է փոխնախարարը։

Ընդ որում, 2024-ից (համապատասխանաբար՝ մինչեւ 2025թ. ապրիլի 20-ը) հայտարարագիր պետք է տան բոլոր վարձու աշխատողները, իսկ 2025-ից՝ Հայաստանի բոլոր ռեզիդենտները, այդ թվում օտարերկրյա քաղաքացիները։

«Հայտարարագրի լրացման կարգը առավելագույն չափով կհեշտացվի։ Դրանում ավտոմատ կերպով կներդրվեն տվյալներ ստացած աշխատավարձերի եւ հարկային վճարումների մասին։ Չէ՞ որ այդ տվյալներն արդեն կան հարկային ծառայության տրամադրության տակ»,- նշել է պաշտոնյան։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Բացահայտվել  է մաքսային կանոնների խախտման նոր դեպք. Փորձ է արվել ՀՀ ներմուծել չհայտարարագրված բնական մուշտակներ. ՊԵԿ
Մաքսային զննման արդյունքում պարզվել է, որ քաղաքացու ուղեբեռներում առկա է...
ՀՀ-ում արտաքին ցնցումներն առաջացրել են ներքին պահանջարկի, հետևաբար նաև տնտեսական աճի տատանումներ. «Լույս»
Այդ պայմաններում, տնտեսական աճին առավելապես նպաստել են «ոչ արտահանելի» ճյուղերը, որոնց աճը սովորաբար կայուն չէ, իսկ «արտահանելի» ճյուղերի աճը եղել է…
«Ժողովուրդ». Անշարժ գույքի շուկան պասիվացել է. ռուսները վարձակալում են Երևանից դուրս
Մեր երկրում բնակարանների վարձավճարները կրկնակի բարձր են: Silver Rea անշարժ գույքի գործակալության...
Տեղի է ունեցել հարկային պոտենցիալի գնահատմանը վերաբերող խորհրդակցություն
Խորհրդակցության սկզբում վարչապետ Փաշինյանը նշել է. «Ինչպես նախորդ տարեվերջին ենք պայմանավորվել, այս տարի ժամանակ առ ժամանակ...
Կասեցվել է հացի արտադրամասի արտադրական գործունեությունը
ՀՀ սննդամթերքի անվտանգության տեսչական մարմնի Շիրակի մարզային կենտրոնի տեսուչները ստուգում են իրականացրել անհատ ձեռնարկատեր Աննա Գրիգորյանին…
Wizz Air-ը թռիչքներ կիրականացնի մի քանի նոր ուղղություններով. Դորտմունդ, Սոֆիա, Կատովիցե, Պրահա
Սոֆիա-Երևան-Սոֆիա երթուղով չվերթերը կիրականացվեն յուրաքանչյուր չորեքշաբթի և կիրակի...
Ամենաշատ