![](img/news/73/45/69/default.jpg)
Եվրամիությունը (ԵՄ) շատ կոշտ պատժամիջոցներ կմտցնի Իրանի դեմ ցույցերի եւ Ռուսաստան ռազմական մատակարարումների հետ կապված։ Այս մասին երկուշաբթի հայտարարել է ԵՄ արտաքին քաղաքական ծառայության ղեկավար Ժոզեպ Բորելը, որը մասնակցելու է ԵՄ արտաքին գործերի նախարարների Խորհրդի նիստին։
«Մենք կընդունենք շատ կոշտ պատժամիջոցներ Իրանի դեմ։ Մենք կձեռնարկենք ցանկացած միջոց՝ հաջակցություն իրանցի կանանց եւ խաղաղ ցուցարարների,- ասել է նա։- Պատժամիջոցները, որոնք կհաստատվեն այսօր, կմտցվեն միաժամանակ հումանիտար եւ Ռուսաստանին ցուցաբերվող իրանական աջակցության պատճառներով։ Ես ուրբաթ խոսել եմ իրանցի նախարարի հետ, Իրանը շարունակում է պնդել, որ անօդաչուներ չի մատակարարում Ռուսաստան եւ մտադիր չէ հրթիռներ մատակարարել։ Տեսնենք»։
«Մենք խոսել ենք նաեւ Իրանում երկու մարդու վերջին մահապատիժների մասին, ինչը ԵՄ-ն դատապարտում է եւ չի ընդունում»,- շարունակել է Բորելը։
Նախնական տեղեկատվությամբ՝ ԵՄ-ն մտադիր է էլի մի շարք իրանցի քաղաքացիների եւ կազմակերպությունների մտցնել սեւ ցուցակ այդ երկրի համար։ Ինչպես ավելի վաղ տեղեկացրել էր Բրյուսելի դիվանագիտական աղբյուրը, ԵՄ-ն մտադիր է «շարունակել Թեհրանի կողմից միջուկային զենքի ստեղծմանը խոչընդոտելու դիվանագիտական ջանքերը»։