News
Լրահոս
News
Հինգշաբթի
Մարտ 28
Տեսնել լրահոսը


Օրերս խորհրդարանից լսեցինք, որ Հայաստանի իշխանությունները համաձայն են Պրահայի համաձայնագրերին, որոնք հիմնված են վաշինգտոնյան փաստաթղթի վրա, եւ համաձայն են ստորագրել խաղաղության պայմանագիր։ Բայց երբ Փաշինյանն ասում է, որ չի տեսնում զիջումների սահմանը եւ Ադրբեջանին կոչ է անում հրապակաել Հայաստանի քարտեզը, որը ներկայացնում է Բաքուն, դա վկայում է  այն մասին, որ իշխանությունները գիտակցել են, որ Ադրբեջանը ընդհանրապես տարածաշրջանում հայկական պետականություն չի տեսնում, հասկանում են, որ անգամ Արցախը հանձնելով, Հայասատանի համար անվտագության երաշխիքներ չեն լինի։ Այս մասին NEWS.am -ի թղթակցի հետ զրույցում ասաց քաղաքագետ Բենիամին Մաթեւոսյանը։

Ուստի, ինչպես բացատրեց Մաթեւոսյանը, ամեն ինչ հանգում է սեփական անվտանգության երաշխիքների որոնմանը։

Նա կարծում է, որ երբ Փաշինյանն ասում է, որ 102-րդ ռուսական բազան վտանգ է ներկայացնում Հայաստանի համար, ապա դա պետք է դիտարկել հենց սեփական անվտանգության երաշխիքների որոնման հարթության մեջ։

«Հենց այդ երաշխիքները լինեն, գործընթացն առաջ կգնա, կլինի վերջնական փաստաթուղթ, որը կրկին չի երաշխավորի Հայաստանի անվտանգությունը։ Եվ իշխանություններն իրենք կխոստովանեն դա»,- հավելեց Մաթեւոսյանը։

Քաղաքական լուծումը, նրա գնահատմամբ, կայանում է Պրահայի համաձայնագրերը մեկ անձի անձնական մոտեցում հռչակելու մեջ, իսկ Հայաստանն այլ դիրքորոշում ունի, որը ներառում է Արցախի ինքնորոշման իրավունքը եւ Արցախին այս հարցում աջակցելու Հայաստանի կողմնակցությունը։

«Հենց որ սա լինի, մնացած հարցերը կլուծվեն։ Բայց, երբ դու ընդունում ես Պրահայի համաձայանգրերը, դու ընդունում ես, որ Արցախն Ադրբեջան է, այսինքն, Լաչինն էլ է Ադրբեջան, այդ պատճառով էլ Բաքուն փակել է ճանապարհը։

Իշխանություններն իրենք էլ հասկացել են, որ Ադրբեջանի ցանկությունը չի սահմանափակվում միայն Արցախը զավթելով, նրանք ցանկանում են Հայաստանը վերացնել որպես քաղաքական սուբյեկտ։ Հետագայում կարող են պահանջներ առաջ քաշվել ոչ միայն Արցախի պաշտպանության բանակի, այլեւ Հայաստանի բանակի վերացման մասին։

Վաշինգտոնի փաստաթղթով բոլոր գործընթացները պետք է համաձայնեցվեն Բաքվի հետ, ուստի եթե քաղաքական տեսանկյունից չփոխենք, ապա Ադրբեջւանը նոր պահանջներ կներկայացնի։

Այն ամենն, ինչ Ադրբեջանն ասում է Արցախի մասին, վաղն ասելու է նաեւ Հայաստանի մասին, իսկ եթե դուք համաձայն չլինեք պայմանների հետ, ձեզ կխնդրեն հեռանալ նաեւ Հայաստանից։ Հենց այսպիսի ապագա է տեսնում Ադրբեջանը։ Հայաստանի իշխանությունները կրկին սա գիտակցում են։

Եթե առաջիկայում Արցախի ճանապարհը չբացվի, ապա սկզբում Արցախը կանցնի անդառնալիության կետը, իսկ հետո նաեւ Հայաստանը։

Նախապես ամեն ինչ արվելու է  Հայաստանում եւ Արցախում ռուսական ռազմական ներկայությունը վերացնելու համար։ Ինչո՞ւ կարելի է վերացնել Սիրիան կամ Ուկրաինան, իսկ Հայաստանը՝ ոչ։ Ոչ մի միջազգային կազմակերպություն չի կարող ապահովել քո ինքնիշխանությունը»,- ընդգծեց Մաթեւոսյանը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հայաստանը 2023թ-ին փորձում էր ուշադրության կենտրոնում պահել Լեռնային Ղարաբաղի շրջափակման հարցը. ԱԳՆ
Արտգործնախարարը հավելեց, որ ՄԱԿ-ի մակարդակով հաղորդագրություններ ու նամակներ են հրապարակվել...
Բուենոս Այրեսի խորհրդարանն ընդունեց Ադրբեջանի կողմից ԼՂ-ի դեմ իրականացրած գործողությունները դատապարտող հայտարարություն
Հանրապետության կողմից հրադադարի համաձայնությունը խախտող…
Ադրբեջանը օկուպացրել է Հայաստանի 200 քառակուսի կմ տարածք. Ռուբինյանը ելույթ է ունեցել Բիշքեկում
Հայաստանի տարածքային ամբողջականության դեմ լայնածավալ ռազմական գործողությունների, ինչպես նաև Ադրբեջանի կողմից վերջին երեք տարիների...
Ադրբեջանը պետք է ապահովի ԼՂ հայերի՝ իրենց տներում արժանապատիվ ապրելու իրավունքը․ ԵԽ նախարարների կոմիտեի հայտարարությունը
Ադրբեջանը պետք է ապահովի Ղարաբաղի հայերի մարդու իրավունքները, հիմնարար ազատությունները և անվտանգությունը՝ ներառյալ…
ՄԱԿ. Էթնիկ հայերի զանգվածային տեղահանումը կապված է Ադրբեջանի ռազմական գործողության և 9-ամսյա շրջափակման հետ
Նրանց զեկույցում իրավացիորեն նշվում է այն տառապանքը, որը պետք է պատճառեր այս փորձը...
Կոռնիձորում հումանիտար կայան կհիմնվի՝ ԼՂ-ում ստեղծված ճգնաժամը հաղթահարելու համար
Որոշման հիմնավորման մեջ նշվում է, որ կայանի նպատակն է միջազգային կազմակերպությունների և օտարերկրյա խմբերի ջանքերը մեկտեղելը, հումանիտար...
Ամենաշատ