«Էտաժի» դաշնային ընկերության անշարժ գույքի կենտրոնի ղեկավար Անտոն Սաուկովը հայտնել է, որ Ռուսաստանում առաջարկել են պարտքերի դիմաց առգրավել ամառանոցներն ու հողատարածքները, հաղորդում է «Известия»-ն։
Ինչպես նշել է Սաուկովը, այս նախաձեռնությունը կվերաբերի այն դեպքերին, երբ սեփականատերը երեք տարի եւ ավելի չի վճարում նպատակային վճարները եւ անդամավճարները:
Նրա խոսքով՝ սովորաբար առգրավման հարցը վերաբերում է լքված հողատարածքներին, որոնք Ռուսաստանի այգեգործական գործընկերություններում մոտավորապես 15 տոկոս են կազմում։ Միեւնույն ժամանակ, այժմ դրանք վաճառելը կամ առգրավելը բավականին դժվար է, եւ դրանից տուժում են այգեգործային հասարակությունները, որոնք բավարար ֆինանսավորում չեն ստանում:
