Սիրիայի ավերիչ երկրաշարժի հետեւանքով զոհված հայերի թիվը հասել է 4-ի։ Այս մասին NEWS.am-ի հետ զրույցում ասաց Սփյուռքի հանձնակատարի գրասենյակի ռազմավարությունների մշակման բաժնի պետ Հովհաննես Ալեքսանյանը։

«Զոհերի տվյալները ճշտվում են»,- նշեց նա։

Հիշեցնենք, որ 7,4 մագնիտուդով երկրաշարժ է տեղի ունեցել Թուրքիայի Կահրամանմարաշ նահանգում, ժամը 04.17-ին, ավերածություններ են տեղի ունեցել մի շարք քաղաքներում։ Տեղեկացվել է նաեւ Սիրիայի մի քանի շրջաններում տեղի ունեցած ավերածությունների մասին, երկրաշարժը զգացվել է Լիբանանի մայրաքաղաք Բեյրութում։ Զոհերի թիվը ՍԻրայում հասել է 237-ի, իսկ Թուրքիայում՝ 284-ի:

Հալեպում զոհվել են հալեպահայեր մայր և որդի Միրնա եւ Ալպեր Թենքեճյանները։ Նրանք «Ազիզիյե» հայաշատ շրջանի բնակավայրից էին։

• Սիրիայում երկրաշարժի հետեւանքով զոհվել են հայ մայր ու որդի
• Սիրայի երկրաշարժի հետեւանքով անհետ կորած հայերի մասին ահազանգ չկա․ «Ռադիո երազ» կայանի տնօրեն