Հայաստանը պետք է միշտ արձագանքի այս կամ այն աղետին։ Այս մասին Ազգային ժողովում, ավանդական ճեպազրույցների ժամանակ, փետրվարի 13-ին ասել է խորհրդարանի արտաքին հարաբերությունների մշտական հանձնաժողովի նորընտիր նախագահ, կառավարող «Քաղաքացիական պայմանագիր» խմբակցության պատգամավոր Սարգիս Խանդանյանը՝ մեկնաբանելով հումանիտար օգնության առաքումը երկրաշարժից տուժած Թուրքիա։
Նրա կարծիքով՝ Հայաստանը, որպես միջազգային հանրույթի նորմալ մասնակից, միշտ պետք է արձագանքի այս կամ այն աղետին։ «Հատկապես նման մասշտաբի աղետին՝ առաջարկելով իր օգնությունը»,- նշել է պատգամավորը։
Անդրադառնալով հայ-թուրքական բանակցությունների հարցին՝ նա, մասնավորապես, նշել է. հումանիտար օգնությունը կարող է դրական խթան դառնալ երկկողմ հարաբերությունների կարգավորման գործընթացում։ «Այո, մենք կարծում ենք, որ սահմանը ցանկության դեպքում կարելի է բացել։ Հուսանք, որ Թուրքիայի կառավարությունն ավելի կհակվի այդ գործընթացին, եւ որ մենք շուռով կտեսնենք արդյունքները»,- նշել է խորհրդարանականը։
