Ալմա Աթայի հռչակագիրը բաց փաստաթուղթ է, որում գրված է, որ Խորհրդային Միության տեղում ձեւավորված նոր պետությունների պետական սահմանները որոշվելու են վարչական սահմաններով, որոնք գոյություն ունեին ԽՍՀՄ-ի շրջանակներում:Այս մասին այսօր Բաքվում Ադրբեջանի արտգործնախարար Ջեյհուն Բայրամովի հետ համատեղ մամուլի ասուլիսի ժամանակ հայտարարել է Ռուսաստանի արտգործնախարար Սերգեյ Լավրովը։
«Նույնիսկ չգիտեմ՝ ինչ ավելացնել այստեղ»,-նշել է նա։
Լավրովը նշել է, որ Ադրբեջանի եւ Հայաստանի ղեկավարները փաստաթուղթ են ստորագրել (Պրահայի հայտարարություն-խմբ.), որը, այդ թվում, հղում է պարունակում Ալմա Աթայի հռչակագրին:
Մեկնաբանելով Հայաստանի դեմ Ադրբեջանի արբիտրաժային հայցը՝ Լավրովը հայտարարել է, որ դա երկկողմանի հարց է Ադրբեջանի եւ Հայաստանի միջեւ, ընտրվել է ճանապարհ, որը ներառում է դատական ընթացակարգեր:
