Հայաստանը երկիրը աշխարհաքաղաքական բախումների թատերաբեմ դարձնելու ցանկություն չունի։ Այնուամենայնիվ, ԵՄ առաքելության տեղակայումը սահմանին բխում էր նրա շահերից։ Այս մասին մարտի 1-ին լրագրողների հետ հանդիպման ժամանակ հայտարարեց ԵԱՀԿ ԽՎ-ում Հայաստանի խորհրդարանական պատվիրակության ղեկավար, ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը։
Նրան, մասնավորապես, խնդրեցին մեկնաբանել նախօրեին Բաքվում Ռուսաստանի արտգործնախարար Սերգեյ Լավրովի կողմից արված հայտարարությունը։ Խոսքը վերոնշյալ առաքելության մասին է։
«Մենք տարբեր խողովակներով մեր գործընկերներին տեղեկացնում ենք մեր հարաբերությունների եւ այլ գործընկերների հետ այդ հարաբերությունների բնույթի մասին»,-ասաց Խանդանյանը։
Նրա խոսքով՝ դիտորդների տեղակայման անհրաժեշտությունն առաջացել է 2021-2022 թվականներին Հայաստանի Հանրապետության ինքնիշխան տարածքի վրա Ադրբեջանի հարձակումից հետո։
Նա նշեց, որ առաջին առաքելության եռամսյա գործունեությունը, իշխանությունների գնահատմամբ, կայունացնող ազդեցություն է ունեցել: «Դրա երկարաժամկետ տեղակայումը Հայաստանի տարածքում կարող է նպաստել խաղաղության մթնոլորտի ձեւավորմանը եւ անվտանգության լրացուցիչ երաշխիք դառնալ»,-նկատեց պատգամավորը։