![](img/news/74/77/82/default.jpg)
Ատոմային էներգիայի միջազգային գործակալության գլխավոր տնօրեն Ռաֆայել Գրոսսին հայտարարել է, որ շատ կարեւոր է համարում Թեհրանի հետ կապերի պահպանումը, հաղորդում է ՏԱՍՍ-ը։ Նրա խոսքով՝ ԱԷՄԳ-ն այս պահին ստուգում է անցկացնում Իրանի տարածքում։
«Շատ կարեւոր է, որ մենք պահպանենք Իրանի հետ երկխոսությունը, շփումները։ Ես միշտ ասել եմ իմ իրանցի զրուցակիցներին մեր հանդիպումների կարեւորության մասին, հուսով եմ՝ շատ բարձր մակարդակով։ Հուսով եմ, որ այդպես էլ կլինի»,- ասել է Գրոսսին։
Ինչպես նշել է ԱԷՄԳ-ի ղեկավարը, Իրանում նկատվում են որոշակի իրադարձություններ, որոնք առաջացնում են գերատեսչության անհանգստությունը։ Նա նաեւ հավելել է, որ Իրանի տարածքում գործակալության ներկայությունն անհրաժեշտ է բոլոր կասկածները փարատելու եւ իրավիճակի վատթարացումը կանխելու համար։