Չնայած այն բանին, որ Հայաստանի եւ Թուրքիայի հարաբերությունները ծայրահեղ լարված են, միաժամանակ, այս երկու պետությունները շարունակում են մնալ ռազմավարական գործընկերներ: Այս մասին NEWS.am-ի թղթակցին ասաց ՀՅԴ Հայ դատի եւ քաղաքական հարցերի գրասենյակի պատասխանատու Կիրո Մանոյանը` նշելով, որ լարվածությունը չի հասել այն աստիճանի, որ հարաբերությունները դադարեն ռազմավարական լինելուց:
«Ուշադրություն դարձնելով այս հանգամանքին, ինչպես նաեւ հաշվի առնելով Իրայելի եւ Ադրբեջանի սերտ հարաբերությունները, հարկ է նշել, որ Հայաստանը Իսրայելի հետ նոր մակարդակով հարաբերությունների հաստատման հիմքեր չունի: Ավելին, չկան նախադրյալներ հուսալու, որ իսրայելա-թուրքական լարված հարաբերությունները կարող են նպաստել Իսրայելի կողմից Հայոց ցեղասպանության ճանաչմանը»,-նշեց Մանոյանը: Նա նաեւ կարծիք հայտնեց, որ Հայոց ցեղասպանության ճանաչումը իսրայելցի ժողովրդի պահանջն է, եւ վաղ թե ուշ Իսրայելը կճանաչի ցեղասպանությունը, սակայն դա չի լինի թուրք-իսրայելական հարաբերությունների վատթարացման հետեւանքով, այլ հենց Իսրայելի ցանկությամբ:
Նշենք, որ Թուրքիայի եւ Իսրայելի միջեւ հարաբերությունները սրվել էին այն բանից հետո, երբ Թել Ավիվը հրաժարվեց պաշտոնապես ներողություն խնդրել Թուրքիայից` «Ազատության տորմիղի» միջադեպից հետո:
