Թուրքիայի ազգային պաշտպանության նախարար Հուլուսի Աքարը «օգտակար եւ դրական» է անվանել Սիրիայի վերաբերյալ մոսկովյան բանակցությունները եւ հույս ունի, որ դրանք կշարունակվեն առաջիկայում։
«Այդ հանդիպումները եւ խորհրդակցություններն օգտակար էին եւ դրական։ Կարեւոր ավանդ է ներդրվել։ Մենք համաձայնել ենք կողմերի հետ, որ այդ ջանքերն անհրաժեշտ են տարածաշրջանում խաղաղության, կայունության եւ հանդարտության հաստատման համար։ Մենք հույս ենք հայտնել, որ դրանք (բանակցությունները) կշարունակվեն առաջիկայում»,- Աքարի խոսքերը մեջբերել է CNN Türk-ը։
Ավելի վաղ ՌԴ Պն-ում տեղեկացրել էին, որ Ռուսաստանի պաշտպանության նախարար Սերգեյ Շոյգուն քննարկել է երկկողմ համագործակցության հրատապ հարցերը եւ գլոբալ եւ տարածաշրջանային ապահովման տարբեր ուղղությունները Իրանի, Սիրիայի եւ Թուրքիայի՝ Մոսկվա ժամանած ռազմական գերատեսչությունների ղեկավարների հետ։ Թուրքիայի պաշտպանության նախարարությունում «ՌԻԱ Նովոստի»-ին տեղեկացրել են, որ հանդիպման ժամանակ քննարկվել են Անկարայի եւ Դամասկոսի հարաբերությունների կարգավորման կոնկրետ քայլերը։