Սպիտակ տունը պատրաստ է առանց նախապայմանների բանակցություններ վարել Ռուսաստանի հետ միջուկային սպառազինությունների վերահսկողության ապագա շրջանակի շուրջ, նույնիսկ հակաքայլեր ընդունելով՝ ի պատասխան Ռուսաստանի նախագահ Վլադիմիր Պուտինի՝ երկու երկրների միջեւ միջուկային սպառազինությունների վերահսկման մասին վերջին պայմանագրի գործողությունը կասեցնելու որոշման, հաղորդում է The Associated Press-ը:
Սպիտակ տան Ազգային անվտանգության հարցերով խորհրդական Ջեյք Սալիվանը ուրբաթ օրը սպառազինությունների վերահսկման ասոցիացիային դիմելու ժամանակ կբացատրի Բայդենի վարչակազմի ցանկությունը՝ բանակցելու նոր կառույցի ստեղծման շուրջ։
Փետրվարին Ռուսաստանի նախագահ Վլադիմիր Պուտինը հայտարարել է, որ դադարեցնում է Ռուսաստանի համագործակցությունը ՌՀՍ նոր պայմանագրի դրույթների հետ, որոնք վերաբերում են միջուկային մարտագլխիկների եւ հրթիռների ստուգումներին՝ Ուկրաինայի հակամարտության պատճառով Վաշինգտոնի եւ Մոսկվայի միջեւ խորը լարվածության ֆոնին: Ռուսաստանը հայտարարել է, որ կպահպանի միջուկային զենքի վերաբերյալ պայմանագրի սահմանափակումները։
Պաշտոնական աղբյուրները նշել են, որ Սալիվանը կընդգծի, որ ԱՄՆ-ն նախկինի պես հավատարիմ է մնում պայմանագրին, եթե դա անի Ռուսաստանը, բայց նաեւ «կհասկացնի, որ ԱՄՆ-ն բաց է երկխոսության համար»։
Աղբյուրները նաեւ հայտնել են, Բայդենի վարչակազմը պատրաստ է հավատարիմ մնալ մարտագլխիկների սահմանափակումներին մինչեւ պայմանագրի ժամկետի ավարտը:
