![](img/news/76/70/13/default.jpg)
Հայ-թուրքական հարաբերությունների կարգավորման գործընթացում պետք է սիմետրիա լինի կամ՝ կարգավորումը պետք է ընթանա առանց նախապայմանների։ Այս մասին լրագրողների հետ հանդիպմանը հունիսի 23-ին ասել է ՀՀ արտաքին գործերի առաջին նախարար Րաֆֆի Հովհաննիսյանը։
Նա համոզված է, որ Հայաստանի ներկա իշխանություններն ի վիճակի չեն գործընթացը տանել ոչ մեկ, ոչ մյուս ուղղությամբ։
Նրա խոսքով՝ հայ-թուրքական հարաբերությունների կարգավորման գործընթացը պետք է ընթանա առանց նախապայմանների, ինչից հետո պետք է բացվեն դեսպանություններ, պետք է տարվի Հայոց ցեղասպանության ճանաչման, հայերի մշակութային ժառանգության եւ հայրենիք վերադառնալու իրավունքի վերականգնման, սահմանների ճշտման աշխատանք՝ Կարսի եւ Մոսկվայի անօրինական ժառանգությունից ազատվելով։
Հովհաննիսյանը նշել է, որ այդ ամենին կարելի է փորձել հասնել Հայաստանի այլ իշխանությունների օրոք, քանի որ ներկա իշխանությունները դրան ի վիճակի չեն։
«Հայաստանի ներկա իշխանություններն արդեն ընդունել են նախապայմանները ե՛ւ հայ-ադրբեջանական հարաբերությունների, ե՛ւ Արցախի մասով։ Եվ հայտնի չէ, թե էլի ինչ նախապայմաններ են ընդունել, օրինակ, այդ նույն Ցեղասպանության հարցով։ Արարատի մասին հռետորաբանությունը որոշակի մտքերի է մղում»,- ավելացրել է նա։